Кітайскай гульнявой кампаніі 91Act прыйшлося распусціць усіх супрацоўнікаў праз фінансавыя праблемы, але нечаканы поспех апошняй гульні даў ёй другое дыханне. Гісторыю расказвае Game World Observer.
Кітайскай гульнявой кампаніі 91Act прыйшлося распусціць усіх супрацоўнікаў праз фінансавыя праблемы, але нечаканы поспех апошняй гульні даў ёй другое дыханне. Гісторыю расказвае Game World Observer.
31 студзеня студыя выпусціла экшан-платформер BlazBlue Entropy Effect. Гульня была ў раннім доступе ад мінулага жніўня. Але неўзабаве пасля глабальнага рэлізу яе закідалі негатыўнымі водгукамі. Геймеры скардзіліся на павольны мультыплэер і змены ў геймплэі. Рэйтынг гульні ў Steam скаціўся прыкладна да 70%.
5 лютага гендырэктар студыі Цзян Лэй абвясціў, што вымушаны звольніць увесь штат. Ад яе адвярнуліся інвестары, плацяжы ад іншых гульняў затрымліваліся, і ў яе папросту не засталося грошай, каб трымацца на плаву.
Лэй застаўся адзіным супрацоўнікам 91Act, хоць частка каманды была гатовая падтрымліваць гульню на добраахвотных пачатках. Каб выплаціць заробкі і выходныя дапамогі, ён перазалажыў сваю маёмасць.
Але ў адзін момант продажы гульні перавалілі за 300 тысяч копій, а водгукі сталі пазітыўнейшымі. Лэй не мог растлумачыць раптоўную цікавасць з боку карыстальнікаў. Верагодна, іх не пакінула абыякавымі ўся сітуацыя: некаторыя казалі, што былі вельмі кранутыя яго стрымамі пра беды студыі.
Пасля кітайскага новага года выручкі, якая паступіла ад гульні, выявілася дастаткова, каб 91Аct працягнула жыць. Лэй вырашыў аднавіць працу, хоць ужо не мог плаціць людзям ранейшую зарплату. Аднак некаторыя распрацоўшчыкі вярнуліся. Цяпер каманда называе сябе 91Act 2.0. Тым не менш Лэй папярэдзіў, што студыю чакае вельмі нявызначаны перыяд.
Пры канцы лютага было прададзена ўжо 350 тысяч копій BlazBlue Entropy Effect. Цяпер яе рэйтынг у Steam складае 91%, а за апошнія 30 дзён яна набрала больш за 5300 водгукаў. Таксама гульня атрымала дазвол на публікацыю ад кітайскіх уладаў, што мае спрыяць росту продажаў.
Рэлацыраваліся? Цяпер вы можаце каментаваць без верыфікацыі акаўнта.
удобненько. Команда делает мега проект, надеясь на шикарные бонусы, за день до поступления платежа от заказчика - всех уволить по причине отсутствия денег и забрать все себе.