Аддзел навін 2 кастрычніка 2024, 18:26

Гейтс падзяліўся трыма галоўнымі страхамі наконт АІ

Біл Гейтс падзяліўся сваімі самымі вялікімі асцярогамі наконт штучнага інтэлекту ў падкасце амерыканскай журналісткі Кары Свішэр.

1 каментарый

Гейтс падзяліўся трыма галоўнымі страхамі наконт АІ

Біл Гейтс падзяліўся сваімі самымі вялікімі асцярогамі наконт штучнага інтэлекту ў падкасце амерыканскай журналісткі Кары Свішэр.

Перш за ўсё сузаснавальніка Microsoft, які ў цэлым верыць у светлую будучыню тэхналогіі, турбуе тое, што «дрэнныя людзі з дрэннымі намерамі будуць выкарыстоўваць АІ для кіберзлачынстваў, біятэрарызму, войнаў». Паводле яго слоў, трэба стварыць АІ, які мог бы ім супрацьстаяць і быць на крок наперадзе.

Па-другое, мільярдэр занепакоены хуткасцю змен на рынку, якія могуць прывесці да таго, што людзі могуць страціць працу. Ён адзначыў, напрыклад, што пры належным навучанні медыцынскія АІ-інструменты змогуць выдатна ставіць дыягназы, а таксама што АІ зможа ўзяць на сябе руцінныя задачы менеджараў па продажах, настаўнікаў і іншых спецыялістаў, хоць і не заменіць іх, а толькі разгрузіць і вызваліць ім час. Гэта добра тым, што ў выніку можна будзе паменшыць працоўны тыдзень, але «тэмпы змен» Гейтса палохаюць.

Нарэшце, распаўсюджаная асцярога, якую падзяляе і Гейтс, — гэта рызыка страціць кантроль над АІ. Многія даследчыкі ўжо не адзін год папярэджваюць аб магчымых наступствах распрацоўкі агульнага АІ, які пераўзыходзіць чалавечы розум, — напрыклад, пра тое, што ён можа знішчыць людзей. Прадпрымальнік лічыць, што з першымі дзвюма праблемамі справіцца прасцей.

Між тым Гейтс прымяняе АІ у паўсядзённым жыцці. Напрыклад, для рэзюмавання нарад, якія ён наведвае, каб потым прапрацоўваць іх і задаваць АІ пытанні па змесце.