Гейтс выпусціць мемуары налета. Але не пра Microsoft

Кніга пад назвай «Зыходны код» (Source Code: My Beginnings) паступіць у продаж 4 лютага 2025 года. Ужо цяпер можна аформіць перадзаказ на Amazon.

Пра змест кнігі бізнэсовец расказаў у сваім блогу. У ёй пойдзе гаворка пра перажыванні маленькага Гейтса, напрыклад, пра тое, што ён адчуваў сябе ізгоем, пра сваркі з бацькамі, страту блізкага чалавека і адлічэнне з універсітэта, а таксама пра рашэнне стварыць кампанію разам з Полам Аленам. Паводле слоў Гейтса, кніга, якая рыхтуецца да выхаду, прысвечаная ўрокам і досведу, якія заклалі асновы ўсяго ў ягоным наступным жыцці».

Пра тое, як уладкаваная Microsoft знутры, як і пра тэхналогіі або пра іншыя бізнэс-праекты Гейтса, з мемуараў даведацца не атрымаецца. Кніга стане «асабістай гісторыяй пра тое, як Біл Гейтс стаў тым, кім з’яўляецца сёння»: пра яго дзяцінства, захапленні і пачынанні.