Кампанія пачала аўтаматычнае ўкараненне зменаў у Android, якія дазваляюць яе ШІ-асістэнту Gemini ўзаемадзейнічаць з усталяванымі на прыладзе старонімі аплікацыямі, нават калі карыстальнік раней адключаў адпаведную актыўнасць у наладах.
Кампанія пачала аўтаматычнае ўкараненне зменаў у Android, якія дазваляюць яе ШІ-асістэнту Gemini ўзаемадзейнічаць з усталяванымі на прыладзе старонімі аплікацыямі, нават калі карыстальнік раней адключаў адпаведную актыўнасць у наладах.
Google апавясціла карыстальнікаў аб зменах па электроннай пошце, аднак у лісце не пазначана, як цалкам адключыць інтэграцыю Gemini ці выдаліць яго з прылады. Больш за тое, у лісце змяшчаюцца супярэчлівыя сцвярджэнні: з аднаго боку, гаворыцца, што Gemini атрымае доступ да аплікацый незалежна ад карыстальніцкіх налад, з іншага — абяцаецца, што «выключаныя функцыі застануцца выключанымі».
Паводле звестак Ars Technica, карыстальнікі, якія спрабавалі разабрацца ў наладах, сутыкнуліся з блытанінай і адсутнасцю выразнай інструкцыі па поўнай дэактывацыі ШІ. Адзін са спосабаў — выкарыстоўваць інструмент Android Debug Bridge (ADB) і ўручную выдаліць пакет Gemini праз камандны радок. Аднак гэты метад падыходзіць толькі тэхнічна дасведчаным карыстальнікам, і нават ён не заўсёды працуе.
Кампанія сцвярджае, што новыя магчымасці павысяць зручнасць — Gemini зможа адпраўляць паведамленні, здзяйсняць званкі і ўсталёўваць таймеры. Аднак карыстальнікі і эксперты па кібербяспецы папярэджваюць: па сутнасці, Google убудавала Gemini ў Android гэтак жа глыбока, як Microsoft калісьці ўбудавала Internet Explorer у Windows, што прывяло да антыманапольнага разбору ў 1990-х.
Калі вы жадаеце адключыць Gemini і абмежаваць яго доступ да вашай прылады, пачніце з дэактывацыі актыўнасці Gemini Apps Activity: адкрыйце дадатак Gemini, націсніце на значок профілю, перайдзіце ў раздзел «Gemini Apps Activity» і выключыце функцыю. Потым забараніце доступ да староніх аплікацый — у тым жа меню знайдзіце спіс усталяваных аплікацый і адключыце доступ для кожнага ўручную.
Каб цалкам адмовіцца ад выкарыстання Gemini, вы таксама можаце пераключыцца назад на Google Assistant: для гэтага адкрыйце налады, выберыце пункт «Digital assistants from Google» і ўсталюйце Google Assistant у якасці асноўнага асістэнта. І нарэшце, каб цалкам выдаліць Gemini з прылады, адкрыйце раздзел «Аплікацыі» ў наладах, знайдзіце Gemini, націсніце «Спыніць», а затым «Выдаліць».
Рэлацыраваліся? Цяпер вы можаце каментаваць без верыфікацыі акаўнта.