Аддзел навін 26 лютага 2024, 17:50

«Гэта не крута»: Маск купіў ноўтбук з Windows і незадаволены патрабаваннямі Microsoft

Ілан Маск у адным з пастоў у Х абурыўся неабходнасцю стварэння ўліковага запісу Microsoft пры наладзе новага ноўтбука.

«Толькі што купіў новы ноўтбук, але не магу ім карыстацца, пакуль не ствару рахунка Microsoft, што таксама азначае даць іх штучнаму інтэлекту доступ да майго камп’ютара! Гэта няправільна. Раней была магчымасць прапусціць стварэнне або ўваход у рахунак Microsoft. Вы таксама з гэтым сутыкаецеся?» — пацікавіўся бізнэсовец. Прапанаваныя падпісантамі абыходныя шляхі ў яго не спрацавалі.

Just bought a new PC laptop and it won’t let me use it unless I create a Microsoft account, which also means giving their AI access to my computer! This is messed up.

There used to be an option to skip signing into or creating a Microsoft account.

Are you seeing this too?
— Elon Musk (@elonmusk) February 25, 2024

У іншым пасце ён працытаваў сябе і дадаў, што «гэта не крута з боку Microsoft». А яшчэ ў адным заявіў, што ўжо напісаў з гэтай нагоды гендырэктару кампаніі Сацье Надэлу.

Хтосьці прапанаваў Маску проста купіць Microsoft — відаць, каб усталёўваць свае правілы, як у выпадку з Twitter.