Николай Чикишев 28 лютага 2023, 11:45

Кіраўнік Xbox: калі мы не купім Activision Blizzard, Xbox працягне існаваць

Кіраўнік Xbox Філ Спенсер заявіў, што ў выпадку скасавання ўгоды па куплі студыі Xbox працягне існаваць, паколькі гульнявы бізнэс не залежыць ад гэтага паглынання.

Пакінуць каментарый

Кіраўнік Xbox: калі мы не купім Activision Blizzard, Xbox працягне існаваць

Кіраўнік Xbox Філ Спенсер заявіў, што ў выпадку скасавання ўгоды па куплі студыі Xbox працягне існаваць, паколькі гульнявы бізнэс не залежыць ад гэтага паглынання.

«Для нас гэта важнае набыццё. Але гэта не краевугольны камень для нашай будучыні ў доўгатэрміновай перспектыве. Xbox працягне існаваць, нават калі гэтая ўгода не адбудзецца», — заявіў ён. Спенсер дадаў, што збянтэжаны тым, як органы-рэгулятары абараняюць Sony, доля якой на сусветным гульнявым рынку, паводле даных канкурэнта, складае 70%.

Кіраўнік Xbox не лічыць, што паглынанне Activision Blizzard хоць неяк знізіць канкурэнтаздольнасць PlayStation. Наадварот, мяркуе ён, угода толькі павысіць канкурэнцыю на гульнявым рынку, і за кошт гэтага ў першую чаргу выйграюць спажыўцы. «Мне б не хацелася, каб на рынку кансолей утварылася сітуацыя, як са смартфонамі, дзе ёсць толькі два вытворцы. Цяпер у нас тры годныя канкурэнты», — дадаў ён.

Спенсер лічыць, што супрацоўнікі органаў-рэгулятараў у прынцыпе не заўсёды цямяць у гульнях ды індустрыі. За ўсю ягоную кар’еру ён неаднаразова заўважаў, што прадстаўнікам рэгулятараў вельмі моцна не стае ведаў у гульнявой сферы. Раней Microsoft заявіла Еўракамісіі, што доля PlayStation на сусветным рынку складае 70%, а доля Xbox — 30%.