Выканаўчы старшыня Samsung Джэй Лі і гендырэктар Tesla Ілан Маск правялі сустрэчу мінулай серады ў ЗША, піша Bloomberg. Прадметам сталі варыянты супрацоўніцтва ў высокатэхналагічнай сферы.
Выканаўчы старшыня Samsung Джэй Лі і гендырэктар Tesla Ілан Маск правялі сустрэчу мінулай серады ў ЗША, піша Bloomberg. Прадметам сталі варыянты супрацоўніцтва ў высокатэхналагічнай сферы.
Кампаніі шукаюць спосабы супрацоўніцтва ў галіне распрацоўкі інфармацыйных тэхналогій, у тым ліку чыпаў для беспілотных аўтамабіляў.
Сустрэча прайшла ў рамках 22-дзённага візіту Лі ў ЗША ў даследчым цэнтры Samsung у Крэмніевай даліне. Гэта была першая сустрэча кіраўніка паўднёвакарэйскай кампаніі з гендырэктарам амерыканскага аўтавытворцы. Таксама Лі сустракаўся з гендырэктарамі Microsoft і Google Сацьем Надэлам і Сундарам Пічаі.
Як адзначае 3Dnews, Samsung ужо даўно забяспечвае Tesla працэсарамі FSD для бартавых сістэм актыўнай дапамогі кіроўцу. Мінулай восені з’явіліся чуткі пра тое, што выпускам працэсараў FSD новага пакалення для Tesla зоймецца TSMC. Магчыма, візіт кіраўніка Samsung у ЗША, апроч іншага, пераследаваў мэту захавання супрацоўніцтва з Tesla ў гэтай сферы.
Рэлацыраваліся? Цяпер вы можаце каментаваць без верыфікацыі акаўнта.