У Google з'явілася «бясконцая» пракрутка на дэсктопе

Пакуль функцыя даступная толькі карыстальнікам ЗША для запытаў на англійскай мове.

Прагортваць можна будзе не бясконца — у стужцы будзе паказвацца 6 старонак пошукавай выдачы. Каб убачыць астатнія вынікі, трэба будзе націснуць на кнопку.

Starting today, we’re bringing continuous scrolling to desktop in English in the U.S. so you can continue to see more search results easily. When you reach the bottom of a search results page, you’ll now be able to see up to six pages of results. pic.twitter.com/xIuVP24FFm

— Google (@Google) December 5, 2022

Аналагічная функцыя ўжо ёсць у мабільнай версіі. Там паказваюцца 4 старонкі вынікаў.

Акрамя таго, у наладах дэсктопнага пашукавіка можна ўручную задаць жаданую колькасць вынікаў, якія будуць адлюстроўвацца на старонцы — да 100 штук.

Новая функцыя дапаможа павысіць бачнасць сайтаў, якія не змаглі трапіць на першую старонку. Паводле некаторых даных, на другую старонку пошуку карыстальнікі пераходзяць толькі ў 0,44% выпадкаў.