Кампанія абвясціла аб запуску новага эксперыментальнага інструмента пошуку Web Guide, які з дапамогай штучнага інтэлекту (на базе кастомнай версіі Gemini) групуе спасылкі па тэмах, палягчаючы навігацыю па выніках.
Кампанія абвясціла аб запуску новага эксперыментальнага інструмента пошуку Web Guide, які з дапамогай штучнага інтэлекту (на базе кастомнай версіі Gemini) групуе спасылкі па тэмах, палягчаючы навігацыю па выніках.
Новая функцыя аўтаматычна размяркоўвае знойдзеныя спасылкі па тэматычных катэгорыях, якія залежаць ад запыту карыстальніка. Напрыклад, калі ўвесці «як у адзіночку падарожнічаць па Японіі», сістэма пакажа падборкі па напрамках: агульныя гайды, асабісты досвед і парады, бяспека і маршруты. Для кожнай групы спасылак таксама фармуецца кароткае апісанне.
Google адзначае, што Web Guide здольны не толькі збіраць рэлевантныя спасылкі, але і аўтаматычна выяўляць дадатковыя пытанні па тэме запыту, каб зрабіць пошук больш глыбокім і інфарматыўным.
Па некаторых тэмах Web Guide выводзіць дзве найбольш падыходзячыя спасылкі ў пачатку старонкі, далей ідуць тэматычныя блокі з падборкамі спасылак з розных крыніц — ад універсітэцкіх сайтаў да Reddit і Youtube. Эксперымент, па словах распрацоўшчыкаў, дазволіць зразумець, ці стане такі фармат карыснай альтэрнатывай традыцыйным пошукавым выдачам і ШІ-аглядам.
Web Guide працуе на тым жа прынцыпе, што і AI Mode, які Google пачала тэставаць вясной 2025 года: пошукавы запыт «расшчапляецца» на некалькі падтэм, і ШІ робіць паралельныя міні-пошукі. У адрозненне ад AI Overviews, Web Guide акцэнтуе ўвагу менавіта на спасылках, вяртаючы звыклы фармат пошуку з дадатковай структурай.
Пакуль інструмент даступны толькі ва ўкладцы Web для карыстальнікаў, якія падключылі Search Labs, але Google плануе пашыраць эксперымент і на іншыя ўкладкі, у тым ліку на асноўную выдачу.
Рэлацыраваліся? Цяпер вы можаце каментаваць без верыфікацыі акаўнта.