Аддзел навін 21 кастрычніка 2022, 16:53

Google піярыць фірмовы смартфон… з айфона

Каманда Google Pixel на днях аказалася ў няёмкай сітуацыі. Адмін афіцыйнага акаўнта гаджэта ў Twitter паспрабаваў укалоць гендырэктара Apple, але ў выніку трапіўся сам.

Пакінуць каментарый

Каманда Google Pixel на днях аказалася ў няёмкай сітуацыі. Адмін афіцыйнага акаўнта гаджэта ў Twitter паспрабаваў укалоць гендырэктара Apple, але ў выніку трапіўся сам.

Цім Кук запосціў промаролік, прысвечаны аднаму з намечаных анонсаў Apple з хэштэгам #TakeNote і подпісам «Магчымасці бязмежныя».

Гэты тэг яшчэ раней выкарыстоўваў баскетбольны клуб «Юта Джаз». Яго ўладальнік папракаў кіраўніка Apple за тое, што той устаўляе яго ў пасты пра прадукты сваёй кампаніі.

У Google вырашылі згуляць на гэтым і адказалі на пост Кука гэтым жа тэгам, заклікаўшы баскетбольных фанатаў карыстацца смартфонамі Pixel.

Зоркія карыстальнікі Twitter заўважылі, што публікацыя была зробленая з айфона. Запіс паспешліва выдалілі, але інтэрнэт памятае ўсё і клапатліва распаўсюджвае скрын са здрадлівай шыльдачкай. Ну, а каманда Pixel перапосціла першапачатковую публікацыю праз вэб-версію Twitter.

Twitter for iPhone police 👮‍♀️ @MKBHD pic.twitter.com/f7ayNZBRMA
— Ian Zelbo (@ianzelbo) October 20, 2022

Падобныя прызнанні ў любові да айфонаў здараліся не раз. У 2013 годзе спявачка Аліша Кіз, будучы крэатыўным дырэктарам BlackBerry, выхвалялася, што прамяняла айфон на гаджэт BlackBerry — а потым была заўважаная за выкарыстаннем «Twitter для iPhone». Кіз тады сказала, што яе ўзламалі.

У 2018-м актрыса і твар Huawei Галь Гадот прасоўвала з айфона новенькі Mate 10 Pro. А ў 2020-м дакладна так жа сама пракалоўся заснавальнік і гендырэктар Xiaomi Лэй Цзюнь у кітайскай сацыяльнай сетцы Weibo.