Кампанія абвясціла пераможцаў прэміі Google Play Best of 2023 Awards — самыя папулярныя праграмы і гульні ў Google Play. У намінацыях сёлета з’явіліся новыя: «Найлепшае са штучным інтэлектам» і «Найлепшая гульня на карысць».
Кампанія абвясціла пераможцаў прэміі Google Play Best of 2023 Awards — самыя папулярныя праграмы і гульні ў Google Play. У намінацыях сёлета з’явіліся новыя: «Найлепшае са штучным інтэлектам» і «Найлепшая гульня на карысць».
Найлепшая праграма — Imprint: Learn Visually. Гэта набор візуальных урокаў, якія дапамагаюць у даследаванні псіхалогіі, гісторыі, здароўя, тэхналогій і іншых галін ведаў.
Найлепшая гульня — навукова-фантастычная Honkai: Star Rail. Адзначаная глыбіня кантэнту, графіка і прадуманы дызайн гульні.
Найлепшая праграма для розных прылад — Spotify. Праграма аднолькава добра працуе ў любых умовах і дазваляе аддалена прайграваць кантэнт на іншай прыладзе і загружаць трэкі або эпізоды для аўтаномнага прайгравання.
Найлепшая гульня для розных прылад — анімэ-стратэгія OUTERPLANE.
Найлепшая праграма па версіі карыстальнікаў — ChatGPT.
Самая папулярная гульня — MONOPOLY GO!
Найлепшая праграма для забаў — Bumble For Friends, якая дапамагае знаёміцца ў рэальным жыцці. Таксама ў гэтай катэгорыі адзначаны відэарэдактар Reelsy Reel Maker.
Найлепшая праграма для асобаснага росту — Voidpet Garden: Mental Health, прысвечаная захаванню псіхічнага здароўя.
Найлепшае на кожны дзень — Artifact Your Curiosity, персаналізаваная навінавая праграма на аснове АІ. Таксама адзначаная кулінарная праграма ReciMe: Easy & Tasty Recipes.
Найлепшая «схаваная жамчужына» — Aware: Mindfulness & Wellbeing, праграма для самаразвіцця і духоўнага ўдасканалення. Таксама былі згаданыя Stippl: Explore і Plan & Share.
Найлепшая праграма з AI — Character AI: AI-Powered Chat, ганаровая згадка ў ChatGPT.
Найлепшае для сем’яў — Paw Patrol Academy, праграма для маленькіх дзяцей з навучальнымі і развівальнымі місіямі. LEGO DUPLO DISNEY атрымала заахвочвальны прыз.
Найлепшая праграма на карысць — AWorld у падтрымку ActNow, ініцыятывы ААН па захаванні планеты.
Найлепшая праграма для смарт-гадзіннікаў — WhatsApp Messenger. Заахвочвальныя ўзнагароды атрымалі AllTrails: Hike, Bike & Run, Audible: Audio Entertainment.
Найлепшая праграма для планшэтаў — Concepts: Sketch, Note, Draw, праграма для стварэння нататак і малявання. Заахвочвальныя ўзнагароды атрымалі Canva: Design, Photo & Video, Everand: Ebooks and audiobooks.
Найлепшая праграма для аўтамабіляў — Amazon Prime Video, таксама былі згаданыя Beach Buggy Racing і Spotify.
«Каб падтрымаць усю гэтую супольнасць, у гэтым годзе мы ўнеслі мноства паляпшэнняў у Play Store. Напрыклад, мы спрасцілі пошук усяго, што можа прапанаваць Play, у тым ліку для розных тыпаў прылад, такіх як пераносныя, складаныя і планшэты. Мы таксама паказалі новыя спосабы абмену балаў Play Points, а таксама новыя функцыі і гульні ў Google Play Games для ПК», — заявіў віцэ-прэзідэнт і генеральны дырэктар Google Play Сэм Брайт.
Рэлацыраваліся? Цяпер вы можаце каментаваць без верыфікацыі акаўнта.