Кампанія выпусціла Gemini 4 Hydrogen — новую ШІ-мадэль на замену Gemini 3.8 Flash. Паводле дадзеных кампаніі, яна выконвае задачы ў 2,5 разы хутчэй за папярэдніцу, значна лепш піша код і радзей прыдумляе факты.
Кампанія выпусціла Gemini 4 Hydrogen — новую ШІ-мадэль на замену Gemini 3.8 Flash. Паводле дадзеных кампаніі, яна выконвае задачы ў 2,5 разы хутчэй за папярэдніцу, значна лепш піша код і радзей прыдумляе факты.
Hydrogen прызначана перш за ўсё для штодзённых задач, праграмавання і працы ШІ-агентаў. У адрозненне ад больш магутных Gemini 4 Carbon і Argon, разлічаных на складаныя і працяглыя задачы, новая мадэль робіць стаўку на хуткасць.
Паводле вынікаў тэстаў Google, у Terminal-Bench 4.1, які правярае ўменне ШІ працаваць з тэрміналам і выконваць задачы распрацоўшчыкаў, Hydrogen набрала 57% супраць 18,2% у Gemini 3.8 Flash. Акрамя таго, новая мадэль больш чым у пяць разоў радзей выдае прыдуманыя сцвярджэнні.
Пры гэтым паводле некаторых паказчыкаў Hydrogen абыходзіць нават больш магутную Gemini 4 Argon. У незалежным рэйтынгу Artificial Analysis Intelligence Index яна атрымала 51 бал пры стандартным узроўні разважання і 54 — пры максімальным. У Argon — 50 балаў.
Мадэль падтрымлівае чатыры ўзроўні разважання: low, medium, high і xhigh. Распрацоўшчыкі могуць выбіраць паміж хуткасцю і якасцю адказу ў залежнасці ад складанасці задачы.
Google таксама прадставіла Orchestrator для платформы Antigravity. Ён аўтаматычна пераключаецца паміж мадэлямі ўнутры аднаго праекта: напрыклад, даручае Carbon складаныя архітэктурныя рашэнні, а Hydrogen — напісанне кода, тэсціраванне і выпраўленне памылак. Паводле дадзеных кампаніі, такая сістэма спраўляецца з задачамі амаль на ўзроўні Carbon, але працуе на 19% хутчэй і выдаткоўвае на 24% менш лімітаў.
Hydrogen таксама ўкараняюць у Google Search. Яна павінна лепш разумець доўгія запыты з некалькіх частак, паказваць больш наглядныя адказы з табліцамі і выявамі і знаходзіць больш пасуючых крыніц.
Новая мадэль ужо даступная праз Gemini API, Google AI Studio, дадатак Gemini і пошук Google. Бясплатныя карыстальнікі Gemini змогуць атрымліваць да яе доступ праз аўтаматычны выбар мадэлі, а падпісчыкі Google AI Pro і Ultra — таксама выкарыстоўваць яе ў Antigravity. Кошт API складае $1,50 за мільён уваходных токенаў і $7,50 за мільён выходных. Кантэкстнае акно дасягае мільёна токенаў.
Рэлацыраваліся? Цяпер вы можаце каментаваць без верыфікацыі акаўнта.