Google нядаўна абнавіла кампенсацыйныя пакеты сваіх супрацоўнікаў, і некаторыя паскардзіліся, што ім зноў дадалі занадта мала. Пытанне паднялі на мінулым штомесячным агульным сходзе, піша Business Insider.
Google нядаўна абнавіла кампенсацыйныя пакеты сваіх супрацоўнікаў, і некаторыя паскардзіліся, што ім зноў дадалі занадта мала. Пытанне паднялі на мінулым штомесячным агульным сходзе, піша Business Insider.
Супрацоўнікі Google могуць прапаноўваць і галасаваць за пытанні, якія іх цікавяць, а кіраўніцтва адказвае на самыя папулярныя. Адна з найбольш хвалюючых тэм — скарачэнне выплат акцыямі і памеру агульнага ўзнагароджання, асабліва з улікам апошніх фінансавых поспехаў кампаніі.
Віцэ-прэзідэнт Google па пытаннях аплаты працы Джон Кейсі заявіў, што ў 2025 годзе ўзнагароджанне вырасла ў больш чым 80% супрацоўнікаў у параўнанні з 2024-м. Ён прызнаў, што супрацоўнікі на неайцішных пазіцыях у некаторых лакацыях сапраўды атрымалі менш акцый. Але гэта звязана з тым, што кампаніі неабходна было прывесці іх зарплаты ў адпаведнасць з мясцовымі рынкамі.
Кампенсацыйны пакет у Google складаецца з акладу, акцый і часам бонусаў. Таксама даход гуглераў залежыць ад іх асабістай прадукцыйнасці.
Кейсі дадаў, што кампанія імкнецца заахвочваць тых супрацоўнікаў, якія прыносяць ёй найбольшую карысць, і што яе сістэма аплаты працы пабудавана менавіта такім чынам. Год таму Business Insider таксама паведамляў, што многія супрацоўнікі Google былі незадаволеныя сваімі зарплатамі.
Рэлацыраваліся? Цяпер вы можаце каментаваць без верыфікацыі акаўнта.