Google заклікала сваіх супрацоўнікаў у Нью-Ёрку і на астатняй частцы ўсходняга ўзбярэжжа папрацаваць з дому. Прычынай стала рэзкае пагаршэнне якасці паветра ў тамтэйшых гарадах: яго запоўніў дым ад лясных пажараў у Канадзе, паведамляе CNBC.
Google заклікала сваіх супрацоўнікаў у Нью-Ёрку і на астатняй частцы ўсходняга ўзбярэжжа папрацаваць з дому. Прычынай стала рэзкае пагаршэнне якасці паветра ў тамтэйшых гарадах: яго запоўніў дым ад лясных пажараў у Канадзе, паведамляе CNBC.
Якасць паветра ў рэгіёне дасягнула «нездаровай» адзнакі, напісала кіраўніцтва ў звароце да падначаленых са спасылкай на Дэпартамент аховы навакольнага асяроддзя Нью-Ёрка. Раней большасць супрацоўнікаў горада абавязалі прысутнічаць на працоўным месцы мінімум тры дні на тыдзень. Цяпер гуглерам параілі паменш выходзіць на вуліцу, а тэрасы ў нью-ёркскім офісе будуць зачыненыя.
Як адзначае CNBC, аналагічнае апавяшчэнне атрымалі супрацоўнікі ў Дэтройце, сталічным Вашынгтоне, віргінскім Рэстане, Пітсбургу, а таксама ў агламерацыі Ролі-Дарэм у Паўночнай Караліне. У Канадзе папярэджанне зробленае супрацоўнікам гарадоў Таронта і Уотэрлу ў правінцыі Антарыа. Кампанія клапоціцца пра чысціню паветра ў офісах і дала працаўнікам рэкамендацыі наконт яе падтрымання дома.
Учора мэр Нью-Ёрка Эрык Адамс заклікаў жыхароў горада па магчымасці адмовіцца ад актыўнасцей на вольным паветры, а ў аэрапортах сталі затрымлівацца рэйсы.
Google не ўпершыню сутыкаецца з разгулам прыродных стыхій. У 2020 годзе ў Каліфорніі на працягу месяца былі праблемы са станам паветра на фоне пажараў. Тады многія супрацоўнікі Google ды іншых ІТ-кампаній ужо працавалі аддалена ў сувязі з пандэміяй.
Рэлацыраваліся? Цяпер вы можаце каментаваць без верыфікацыі акаўнта.
Это да. Это жесть а не пожары.
Как в Бишкеке зимой.