Канвертар Google у панядзелак адлюстроўваў некарэктны курс долара і еўра да злотага. Польскія ўлады паспяшаліся прадухіліць паніку і запатрабавалі ад пошукавага гіганта тлумачэнняў, піша Barron’s.
Канвертар Google у панядзелак адлюстроўваў некарэктны курс долара і еўра да злотага. Польскія ўлады паспяшаліся прадухіліць паніку і запатрабавалі ад пошукавага гіганта тлумачэнняў, піша Barron’s.
У панядзелак увечары польская валюта «абясцэнілася» больш як на 20% у параўнанні з пятнічнымі значэннямі: долар у Google каштаваў 4,7 злотага, а еўра — 5,2 злотага.
Дзіўны курс сталі абмяркоўваць карыстальнікі Х. На іх здзіўленне адрэагаваў міністр фінансаў Польшчы Анджэй Даманскі. Ён растлумачыў, што курс у Google «фэйкавы» і што памылка звязаная з крыніцай даных амерыканскай кампаніі. Bloomberg, напрыклад, паказваў дакладны курс.
Spokojnie. Ten kurs złotego, który sieje panikę to «fejk» (błąd źródła danych). Za chwilę otworzą się rynki w Azji i sytuacja wróci do normy. Na Bloombergu sytuacja wygląda tak👇 pic.twitter.com/LBhlbrAJ1G
— Andrzej Domański (@Domanski_Andrz) January 1, 2024
Цэнтральны банк Польшчы ў аўторак таксама заявіў, што абменны курс Google не адпавядаў рэчаіснасці, і дадаў, што курсы і графікі на платформе «не заўсёды дакладныя». Мінфін краіны накіраваў афіцыйны запыт мясцоваму падраздзяленню кампаніі з просьбай патлумачыцца.
Адказ агучыў тэлеканал TVN24 — паводле слоў Google, у канвертары выкарыстоўваліся даныя з «вонкавых крыніц». Кампанія сказала, што ў выпадку памылак звязваецца з пастаўшчыкамі даных і аператыўна выпраўляе іх.
У аўторак курсы апрытомнелі: долар і еўра таргаваліся прыкладна па 3,94 і 4,34 злотага адпаведна.
Рэлацыраваліся? Цяпер вы можаце каментаваць без верыфікацыі акаўнта.