Google тэсціруе новую абарону ад крадзяжу Android-смартфонаў

Кампанія запускае тэсціраванне функцый Theft Detection Lock, Offline Device Lock і Remote Lock, якія з дапамогай сістэмы штучнага інтэлекту могуць выявіць крадзеж смартфона і аўтаматычна заблакаваць яго. Напрыклад, на гэта пакажуць пэўныя рэзкія рухі, што сістэма распазнае як спробу крадзяжу.

Таксама блакаванне спрацуе, калі хтосьці паспрабуе выкарыстаць смартфон у незнаёмай сетцы. Блакаванне адбудзецца, нават калі злодзей адключыць інтэрнэт на прыладзе. Праз высокі індэкс злачыннасці і частыя крадзяжы было вырашана тэсціраваць функцыі ў Бразіліі. Жыхары краіны могуць зарэгістравацца ў праграме бэта-тэсціравання.