Google правяла чарговы раўнд звальненняў

Паводле дадзеных The Information, скарачэнні закранулі каля 200 супрацоўнікаў. Такім чынам Google аптымізуе выдаткі на іншых напрамках для будаўніцтва дата-цэнтраў і развіцця штучнага інтэлекту. Паводле лютаўскай справаздачы, на 31 снежня 2024 года ў кампаніі працавала 183 323 супрацоўнікі.

У мінулым месяцы The Information паведамляла, што Google звольніла сотні супрацоўнікаў у падраздзяленні платформаў і прылад, якое ўключае распрацоўку Android, смартфонаў Pixel і браўзера Chrome, сярод іншых аплікацый.

Раней Meta звольніла каля 5% сваіх «найменш эфектыўных» супрацоўнікаў, адначасова паскараючы найм інжынераў па машынным навучанні. Microsoft скараціла 650 працоўных месцаў у падраздзяленні Xbox у верасні. Amazon звольніў супрацоўнікаў у некалькіх падраздзяленнях, уключаючы камунікацыі, а Apple летась ліквідавала каля 100 пазіцый у падраздзяленні лічбавых сэрвісаў.