Кампанія стала блакаваць чужыя файлы cookie для некаторых карыстальнікаў браўзера Chrome. Змяненне называюць адным з найбуйнейшых у галіне анлайн-рэкламы: на долю Chrome прыпадае каля 65% усяго вэб-трафіку ў свеце.
Кампанія стала блакаваць чужыя файлы cookie для некаторых карыстальнікаў браўзера Chrome. Змяненне называюць адным з найбуйнейшых у галіне анлайн-рэкламы: на долю Chrome прыпадае каля 65% усяго вэб-трафіку ў свеце.
Чужыя файлы cookie блакуюцца ў 1% карыстальнікаў Chrome. Пры канцы года Google плануе заблакаваць чужыя cookie для ўсіх карыстальнікаў. Маркетолагі і ўладальнікі сайтаў лічаць, што кампанія недастаткова падрыхтавала рынак для навіны. Поўны пераход намечаны на IV квартал, традыцыйна найбольш актыўны для рэкламнай галіны.
У кампаніі заявілі, што гатовыя падтрымаць галіну, а прапанаваныя інструменты дапамогуць бізнэсу дасягнуць сваіх мэтаў пры захаванні канфідэнцыйнасці карыстальнікаў. Змены Google не паўплываюць на працу лакальных cookie для захоўвання базавай інфармацыі, такой як даныя аўтарызацыі.
Google планавала гэта зрабіць яшчэ ў 2020 годзе, але некалькі разоў адкладала працэс праз скаргі абаронцаў персанальных даных і прадстаўнікоў рэкламнай галіны. Абаронцы былі занепакоеныя тэхналогіяй, якая прыйдзе наўзамен чужым cookie: Google магла адсочваць карыстальнікаў проста праз браўзеры.
Інструмент API Privacy Sandbox ахопіць не толькі настольныя версіі Chrome, але таксама мабільную АС Android. Буйныя рэкламныя агенцтвы лічаць, што гэты інструмент змяшчае значныя тэхнічныя прабелы. Брытанскае ўпраўленне па канкурэнцыі і рынках (CMA) кантралюе навіну і мае права заблакаваць ініцыятыву, калі прыйдзе да высновы, што яна нясе шкоду іншым кампаніям.
Рэлацыраваліся? Цяпер вы можаце каментаваць без верыфікацыі акаўнта.