Аддзел навін 18 красавіка 2024, 16:26

Google запусціла курсы па генератыўным АІ

Каманда Google Cloud паказала некалькі курсаў па генератыўным штучным інтэлекце для слухачоў рознага ўзроўню.

Ёсць тры навучальныя праграмы:

Уступная прысвечаная асновам тэхналогіі.
Сярэдняя арыентаваная на распрацоўшчыкаў праграм, дата-саентыстаў, дэвопсаў, інжынераў бяспекі і іншых спецыялістаў. Тут расказваецца пра фірмовую платформу Gemini і яе ўжыванне ў розных ІТ-прафесіях.
Прасунутая для АІ/ML-інжынераў, якім таксама раскажуць, як і нашто ім інтэграваць Gemini у свае працоўныя працэсы.

Акрамя гэтага, у кампаніі ёсць партнёрская ініцыятыва Google Cloud Affiliate Employers, праз якую яна дапаможа суіскальнікаў з правільнымі навыкамі ў пошуку працы.

Падрабязна пра новыя курсы — у блогу Google.