Федэральны суд у ЗША адмовіў Міністэрству юстыцыі ў патрабаванні падзяліць рэкламны бізнес Google. Замест гэтага кампанія будзе вымушана змяніць шэраг практык у рэкламных тэхналогіях, каб знізіць перавагі перад канкурэнтамі.
Федэральны суд у ЗША адмовіў Міністэрству юстыцыі ў патрабаванні падзяліць рэкламны бізнес Google. Замест гэтага кампанія будзе вымушана змяніць шэраг практык у рэкламных тэхналогіях, каб знізіць перавагі перад канкурэнтамі.
Рашэнне вынесла суддзя Леоні Брынкема з Усходняй акругі Вірджыніі. Раней яна прызнала, што Google незаконна падтрымлівала манаполію на інструменты для выдаўцоў і тэхналогію, якая злучае выдаўцоў з рэкламадаўцамі. Пры гэтым суд не пагадзіўся са сцвярджэннем урада пра незаконную манаполіі ў інструментах для рэкламадаўцаў.
Міністэрства юстыцыі ЗША патрабавала, у прыватнасці, прымусіць Google прадаць рэкламную біржу і дапусціць магчымасць далейшага продажу іншых частак рэкламнай інфраструктуры. Суддзя адмовілася ад структурнага падзелу бізнесу, але адобрыла большасць прапанаваных змяненняў у працы кампаніі. Дакладныя меры пакуль не раскрытыя: пісьмовае рашэнне застаецца пад грыфам на працягу 14 дзён, каб бакі маглі запытаць выдаленне канфідэнцыйнай інфармацыі.
Суд таксама адхіліў патрабаванне ўрада абавязаць Google раскрыць зыходны код, які выкарыстоўваецца ў рэкламных аўкцыёнах. У самой кампаніі рашэнне назвалі перамогай, падкрэсліўшы, што суд адмовіўся ад прымусовага продажу рэкламных інструментаў.
Гэта ўжо другі буйны антыманапольны працэс супраць Google, у якім суд прызнаў незаконныя манапольныя практыкі, але адмовіўся ад падзелу кампаніі. У справе аб пошуку суд раней таксама не стаў прымушаць Google прадаваць Chrome або Android, абмежаваўшыся зменамі ў кантрактах і доступе да дадзеных.
Релоцировались? Теперь вы можете комментировать без верификации аккаунта.