На беларуска-польскай мяжы ўсё яшчэ стаяць чэргі: паводле даных Дзяржпагранкамітэта, проста цяпер выезду з тэрыторыі Беларусі чакае больш за 2300 аўто і 46 аўтобусаў.
На беларуска-польскай мяжы ўсё яшчэ стаяць чэргі: паводле даных Дзяржпагранкамітэта, проста цяпер выезду з тэрыторыі Беларусі чакае больш за 2300 аўто і 46 аўтобусаў.
Аўтамабільная чарга, мяркуючы з паведамленняў у памежных чатах, памяншаецца — але вельмі павольна. Увечары 6 студзеня ў ёй стаяла каля 2500 машын, учора — больш за 2400, і вось цяпер на сотню менш.
Тыя, хто перасек мяжу на сваім аўто сёння раніцай, дзеляцца падрабязнасцямі: усталі ў чаргу позна ўвечары 4 студзеня, а на пункт пропуску іх паклікалі сёння раніцай. Усяго на тое, каб прайсці мяжу, сышло 3 дні, 11 гадзін і 32 хвіліны.
У іншых карыстальнікаў вельмі падобны час.
Многія прызнаюцца, што ў чарзе не стаялі — толькі зарэгістраваліся і з’ехалі. А назад выехалі, калі перад імі заставалася прыкладна 200 аўто.
Наконт працы памежнікаў і мытнікаў карыстальнікі ў чаце пішуць, што тыя імкнуцца прапускаць хутчэй. Камусьці трапіўся «стары воўк — працуе, як гадзіннік, бярэ па 6-7 машын, пасведчанне просіць браць з сабой, докі на працоўныя візы — не, дзяцей не будзіць». На мытні супрацоўнік «аглядае бегла, сам дзверы адчыняе», асабістыя рэчы правярае, «не ўнікаючы асабліва».
Аўтобусы, як пішуць у чатах, праходзяць мяжу «ў найлепшым выпадку за 6 гадзін» — і гэта без уліку папярэдняга чакання.
Многія кіроўцы «бяруць людзей на падсадку» — каштуе гэта каля 40-50 еўра (цана, якую агучваюць у чаце). Пасажырам аўтобусаў «Мінсктранса» пашанцавала — для іх арганізавалі бясплатную перасадку. Але «пры наяўнасці вольных месцаў».
«Учора ўвечары сеў у першы [аўтобус], і ён быў паўпусты. Праходжанне ўсёй мяжы заняло сёння ноччу 6,5 гадзіны», — піша адзін з карыстальнікаў у чаце.
«Я села ў пяты, і ў аўтобусе было 15 чалавек», — піша іншая карыстальніца.
У адваротны бок — з Польшчы ў Беларусь — чаргі няма наогул.
Рэлацыраваліся? Цяпер вы можаце каментаваць без верыфікацыі акаўнта.
И до сих пор никто из фермы ротоботов не позларадствовал? Айайай. Как же так?
Это потому что очередьиз Беларуси. Им такое комментить низя
брестский и пинский автопарки давно уже такое делают
в конце января очереди будут еще больше, когда возвращаться будут те, кто на выборы приехал проголосовать
Карыстальнік адрэдагаваў каментарый 8 студзеня 2025, 16:23
хватит ли участков для голосования зарубежом в Беларуси?
зарубежом участков не будет. все приедут в Белоруссию проголосовать, вот увидите какая большая итоговая явка избирателей будет