Электронныя білборды ў Егіпце, Малайзіі і Бразіліі замест рэкламы пачалі паказваць парнаграфію. Адказнасць узяла на сябе групоўка, якая сцвярджае, што для ўзлому не спатрэбілася асаблівых навыкаў.
Электронныя білборды ў Егіпце, Малайзіі і Бразіліі замест рэкламы пачалі паказваць парнаграфію. Адказнасць узяла на сябе групоўка, якая сцвярджае, што для ўзлому не спатрэбілася асаблівых навыкаў.
Як піша Gizmodo, інцыдэнты адбыліся 29 кастрычніка. Найбольш прыкметны выпадак зафіксавалі ў Егіпце: вялікі экран над адной з ажыўленых аўтамагістраляў Каіра пачаў трансляваць парнаролік з імёнамі меркаваных хакераў і адрасам іхнага тэлеграм-канала. Кіроўцы спыняліся проста на дарозе, каб зняць тое, што адбываецца, на тэлефоны.
МУС Егіпта пацвердзіла ўзлом. Паводле ведамства, экран належыць рэкламнай кампаніі Al Arabia United, якая карыстаецца паслугамі міжнароднай платформы для дыстанцыйнага кіравання рэкламай.
Зламыснікі атакавалі сайт гэтай платформы, пасля чаго несанкцыянаванае відэа адначасова з’явілася на рэкламных экранах у некалькіх краінах. Назву міжнароднай кампаніі ўлады не раскрылі.
Падобныя інцыдэнты адбыліся ў Малайзіі і Бразіліі. У малайзійскім горадзе Клуанг хакеры узламалі восем муніцыпальных LED-экранаў. Улады адключылі іх і пачалі расследаванне. У бразільскім Кампу-Маёр рэкламны экран таксама пачаў паказваць порна. Кампанія-аператар Ferreira & Ferreira пацвердзіла кібератаку, адключыла абсталяванне і звярнулася ў паліцыю.
Адказнасць за ўзломы ўзяла на сябе групоўка Leakers$, якая вядзе тэлеграм-канал LeakersGov. Яе ўдзельнікі расказалі выданню The Cairo Report, што знайшлі ўразлівасць не ў саміх білбордах, а ў праграмным забеспячэнні для перадачы рэкламы на экраны.
Паводле хакераў, яны запусцілі аўтаматычнае сканаванне інтэрнэту і прыкладна за дзве гадзіны выявілі тысячы даступных сістэм. Некаторыя з іх нібыта не мелі нават базавай абароны. Групоўка таксама сцвярджае, што атрымала доступ да экранаў у Іраку і Кітаі.
Хакеры заяўляюць, што не патрабавалі выкупу і не збіраліся зарабляць на атацы. Паводле іх, мэтай было прадэманстраваць, наколькі дрэнна абароненыя сістэмы лічбавай рэкламы.
Релоцировались? Теперь вы можете комментировать без верификации аккаунта.