Николай Чикишев 24 кастрычніка 2022, 12:37

Галоўны дызайнер Apple пакіне пасаду. Пра новага нічога невядома

Кіраўніца прамысловага дызайну кампаніі Эванс Хэнкі сыходзіць з Apple пасля трох гадоў на пасадзе.

Паводле даных Bloomberg, Хэнкі прапрацуе ў кампаніі яшчэ паўгода. Раней у 2019 годзе сышоў у адстаўку нязменны Джоні Айв, які працаваў над дызайнам гаджэтаў Apple на працягу 30 гадоў. Айв працягваў дапамагаць кампаніі аж да 2022 года. Applе вырашыла, што плаціць Айву «велізарныя сумы» і пры гэтым губляе дызайнераў, якія сыходзілі ў яго іншы праект.

Хэнкі стала кіраўніцай аддзела ў 2019 годзе, пад яе кіраўніцтвам Apple выпусціла iPhone 12, 13 і 14, а таксама MacBook c працэсарам M1. Выданне адзначае, што адстаўка Хэнкі можа паўплываць на планы кампаніі і будучыя дызайн-рашэнні. Адзін з чаканых кандыдатаў на месца Хэнкі — Рычард Ховарт, які займаў пасаду кіраўніка прамысловага дызайну ад 2015 да 2017 года.