Навукоўцы ператварылі голуба ў дрона і кіравалі яго палётам з дапамогай сонечнай батарэі

Даследчыкі змаглі кіраваць голубам на працягу дзвюх гадзін. Гэта амаль у паўтара разу больш, чым падчас папярэдніх эксперыментаў. Звычайныя дроны не здольныя знаходзіцца ў паветры такі доўгі час. Кантролер пасылаў у мозг голуба сігналы, якія стымулююць нервы. Дзякуючы гэтаму птушку можна было накіраваць у любы бок. Прылада падтрымлівала бесправадную сувязь з базай і сілкавалася ад сонечнай панэлі памерам з палову смартфона.

У выпрабаваннях удзельнічалі пяць галубоў, яны выконвалі каманды з дакладнасцю 80-90%. Часам птушкі адцягваліся праз стомленасць або непрадбачаныя фактары ў палёце. Навукоўцы мяркуюць, што птушак-кібаргаў можна будзе выкарыстоўваць у пошукава-выратавальных, выведных і антытэрарыстычных аперацыях.