Алеся Чапкевич bel 18 чэрвеня 2026, 13:28

Топ-10 найбольш прыбытковых ІТ-кампаній з беларускімі каранямі ва Украіне

Эканамічны аглядальнік Вадзім Сяховіч склаў спіс дзесяці айцішных кампаній з беларускім капіталам ва Украіне паводле памеру выручкі за 2025 год. Толькі палова з гэтых бізнесаў нарасціла паказчык у параўнанні з папярэднім годам.

Пакінуць каментарый

Эканамічны аглядальнік Вадзім Сяховіч склаў спіс дзесяці айцішных кампаній з беларускім капіталам ва Украіне паводле памеру выручкі за 2025 год. Толькі палова з гэтых бізнесаў нарасціла паказчык у параўнанні з папярэднім годам.

Прыкладна на 20% павялічыліся продажы ў кампаніі «Інавайз» Паўла і Сяргея Арловых. Больш чым на 20% вырасла адна з юрасобаў найбуйнейшага бізнесу і працадаўцы ва ўкраінскім айці «ЕРАМ Дыджытал». Прыкладна на 25% павялічыўся аб’ём выручкі ў аднаго з беларускіх ІТ-піянераў на рынку Украіны «САМ Салюшнз» аднайменнага холдынгу Андрэя Бахірава. Амаль на 50% болей зарабіў летась кіеўскі офіс IBA Group Сяргея Леўцеева. Лідаруе паводле дынамікі ў топ-10 кампанія «Майдзюціфры» з плюсам звыш 160%. Гэта — частка бізнесу даўно жывучага ва Украіне беларускага бізнесмена Артура Гранца.

Больш чым на 530% і прыкладна на 220% вырасліся ў 2025 годзе продажы адпаведна «Саенссофт» (ScienceSoft Мікалая Кураева і ягоных партнёраў) і «Іссофт Салюшэнз Украіна» (Coherent Solutions Ігара Эпштэйна і Аляксандра Шнэерсона). Але ў абедзвюх кампаній сумы не дацягваюць да мільёна грывень (гэта крыху больш за $22 тысячы).

Вось як выглядае ўвесь топ-10 найбуйнейшых ІТ-бізнесаў з беларускімі каранямі, якія працягваюць працаваць ва Украіне:

ЕРАМ Сістэмз (Кіеў) 10 221,9 млн грывень ($227,9 млн, -9,94% да 2024 года);
ЕРАМ Дыджытал (Кіеў) 9 242,4 ($206 млн, +22,79%);
ПандаДок Украіна (Кіеў) 235,1 ($5,2 млн, -2,87%);
Інтэтыкс (Харкаў) 173,3 ($3,9 млн, -9,51%);
Белка Геймз ЮА (Кіеў) 77,8 ($1,73 млн, -0,68%);
Ітранзішэн (Кіеў) 76,0 ($1,69 млн, -2,48%);
САМ Салюшнз (Александрыя) 66,8 ($1,49 млн, +23,73%);
Інавайз (Кіеў) 13,7 ($305 тысяч, +19,13%);
IBA Украіна (Кіеў) 7,5 ($167 тысяч, +46,26%);
Майдзюціфры (Кіеў) 4,7 ($105 тысяч, +163,12%).

Аўтар адзначае, што шмат бізнесаў было «страчана» з 2022 года праз закрыццё, продажу або перарэлакацыі кампаній з беларускім капіталам з Украіны. Паводле ягоных ацэнак, іх колькасць перавысіла 70% ад тых, што мелася на пачатак 2022 года, і працягвае расці. Сярод найбольш вядомых кампаній, якія ліквідаваліся або перасталі быць беларускімі: «МБайсікл», «ТС Еспертыза» («СофтКлуб»), «Дваш Софт», «Айтырэкс Груп Бел», «Альтарос Украіна», «Кажыгульні», «Софт-Ефікс ЮА», «Плэйджэндары Юэй», «Крэйтарс Экасістэм» (Mediacube), «Екзпозит Пивдень», «АндэрсэнЛаб», «Джы-Пы Салюшнз» і «Оскаджайл Украіна».