Аддзел навін 25 мая 2024, 12:10

ICQ спыняе працу

ICQ прыпыніць працу 26 чэрвеня. Такое паведамленне з’явілася на сайце праграмы. Для камунікацыі з сябрамі і калегамі карыстальнікаў заклікалі пераходзіць у іншыя месенджары VK.

4 каментарыя

ICQ прыпыніць працу 26 чэрвеня. Такое паведамленне з’явілася на сайце праграмы. Для камунікацыі з сябрамі і калегамі карыстальнікаў заклікалі пераходзіць у іншыя месенджары VK.

Карпарацыя плануе сфакусавацца на развіцці VK Месенджера для карыстальнікаў і карпаратыўнага сэрвісу на базе платформы VK WorkSpace для бізнэсу. Да працы над імі падключацца супрацоўнікі ICQ. Пра перспектывы аднаўлення сэрвісу згадак няма.

ICQ перайшоў да VK пасля рэарганізацыі фонду DST, які купіў месенджар у 2010 годзе ў амерыканскай AOL за $187,5 млн. У 2020 годзе кампанія перазапусціла месенджар, дадаўшы хуткія адказы і магчымасць ствараць ботаў. У 2022-м з’явілася інфармацыя, што ў тым жа годзе яго чакае чарговы перазапуск. VK тады навіны не пракаментавала, але праз месяц выпусціла свой уласны месенджар.