У найскарэйшай будучыні ў кампаній пачне адпадаць патрэба ў сістэмных адміністратарах, піша CNews. Песімістычныя прагнозы з нагоды некалі вельмі запатрабаванай прафесіі зрабілі аналітыкі IDC у свежым даследаванні Worldwide xOps Census and Forecast 2022-2027.
Эксперты IDC залічваюць сістэмных адміністратараў да ІТ-спецыялістаў шырокага профілю. «ІТ-спецыялісты, якія займаюць чыста аперацыйныя пасады, сутыкаюцца з неабходнасцю пераходу на больш тэхнічныя або вузкаспецыялізаваныя пасады, якія вельмі часта могуць патрабаваць пэўнага ўзроўню навыкаў у распрацоўцы праграмнага забеспячэння», — гаворыцца ў даследаванні IDC.
Таксама паступова становяцца непатрэбнымі многія задачы, якія выконвае сучасны сістэмны адміністратар. Кампаніі ўсё часцей адмаўляюцца ад уласнай ІТ-інфраструктуры на карысць воблачных сэрвісаў — некаторыя проста закупляюць тонкія кліенты замест паўнавартасных камп’ютараў і працуюць у Windows, запампаванай у воблаку. Такі сэрвіс ад нядаўніх часоў прапаноўвае Microsoft.
Паводле прагнозаў IDC, у 2022–2027 гадах колькасць ITOps-спецыялістаў і сістэмных адміністратараў будзе скарачацца ў сярэднім на 8,2% і 7,8% на год адпаведна. У выніку сісадмінам, якія жадаюць застацца ў ІТ, прыйдзецца навучацца чаму-небудзь новаму — напрыклад, пераходзіць у DevOps-ы, адзначаюць у IDC.
Таксама аўтары даследавання ўпэўненыя, што найбліжэйшымі пяццю гадамі рэзка вырасце колькасць працоўных месцаў для спецыялістаў у такой вельмі вузкай сферы, як MLOps. Да гэтай катэгорыі ў IDC залічваюць айцішнікаў, якія займаюцца спрашчэннем і аўтаматызацыяй усяго працэсу машыннага навучання. Колькасць працоўных месцаў тут, паводле прагнозаў, падскочыць на 20,1% за пяць гадоў. На 17,9% чакаецца рост попыту на DataOps-спецыялістаў, якія забяспечваюць працэс бесперапыннай пастаўкі, інтэграцыі і аперацыйнага кіравання карпаратыўнымі данымі.
Рэлацыраваліся? Цяпер вы можаце каментаваць без верыфікацыі акаўнта.
Но web monkey будет падать гораздо быстрее.