Ельскі ўніверсітэт адхіліў студэнтку, якую ў ШІ-артыкуле абвінавацілі ў сувязі з тэрарызмам
У юрыдычнай школе Ельскага ўніверсітэта прапалестынскую актывістку Хелье Даўтагі адхілілі ад навучання пасля таго, як на яўрэйскім навінавым сайце яе абвінавацілі ў прыналежнасці да тэрарыстычнай групоўкі. Пра гэта паведамляе Gizmodo са спасылкай на New York Times. Нядаўна ўлады ЗША пачалі выкарыстоўваць тэхналогію для выяўлення замежных студэнтаў, якія сімпатызуюць групоўкам, прызнаным у краіне тэрарыстычнымі.
У юрыдычнай школе Ельскага ўніверсітэта прапалестынскую актывістку Хелье Даўтагі адхілілі ад навучання пасля таго, як на яўрэйскім навінавым сайце яе абвінавацілі ў прыналежнасці да тэрарыстычнай групоўкі. Пра гэта паведамляе Gizmodo са спасылкай на New York Times. Нядаўна ўлады ЗША пачалі выкарыстоўваць тэхналогію для выяўлення замежных студэнтаў, якія сімпатызуюць групоўкам, прызнаным у краіне тэрарыстычнымі.
Даўтагі заяўляе, што актыўна выступае за абарону правоў палестынцаў, але не ўваходзіць ні ў якую арганізацыю, якая знаходзіцца па-за законам у ЗША. Артыкул, які стаў прычынай яе пакарання, быў апублікаваны на сайце Jewish Onliner. Выснову пра сувязь дзяўчыны з тэрарызмам зрабілі на падставе таго, што яна прысутнічала на мерапрыемствах, якія спансавала прапалестынская сетка Samidoun. Летась яе ўключылі ў амерыканскі санкцыйны спіс за збор сродкаў для тэрарыстычнага «Народнага фронту вызвалення Палестыны».
На Jewish Onliner сцвярджаецца, што сайт выкарыстоўвае штучны інтэлект для напісання матэрыялаў, але не ўдакладняецца, як менавіта і ў якім маштабе. Gizmodo падкрэслівае, што ШІ часта дапускае фактычныя памылкі і «галюцынуе», то-бок проста прыдумляе «факты». Калі ён быў выкарыстаны як крыніца інфармацыі, якая легла ў аснову артыкула, паўстае пытанне: ці правяралі гэтыя дадзеныя?
Імёны аўтараў, каб пазбегнуць пераследу, сайт не публікуе. А вось Даўтагі і яе ўніверсітэт пасля выхаду артыкула падвергліся маштабнаму цкаванню ў сеціве.
Рэлацыраваліся? Цяпер вы можаце каментаваць без верыфікацыі акаўнта.