Гульнявая кампанія прызначыла гендырэктарам бота. Акцыі выраслі на 10% за апошнія паўгода

З таго часу акцыі NetDragon перасягнулі індэкс Hang Seng Index, у які ўваходзяць кампаніі, якія таргуюцца на Ганконгскай фондавай біржы. Яе каціроўкі за 6 месяцаў падняліся на 10%. Рынкавая капіталізацыя NetDragon складае $1,1 млрд.

Падчас анонсу кампанія заявіла, што бот павысіць эфектыўнасць прыняцця рашэнняў і кіравання рызыкамі, а таксама дапаможа стварыць справядлівыя і эфектыўныя ўмовы працы для супрацоўнікаў.

«Мы лічым, што за АІ будучыня карпаратыўнага менеджменту. Прызначэнне спадарыні Танг Ю адлюстроўвае нашае імкненне ўкараняць АІ для трансфармацыі таго, як функцыянуе наш бізнэс, і спрыяць нашаму далейшаму стратэгічнаму росту», — адзначаў у рэлізе кіраўнік праўлення NetDragon Дэджыян Лью, дадаючы, што кампанія будзе пашыраць выкарыстанне алгарытмаў і будаваць адкрытую, інтэрактыўную і празрыстую мадэль кіравання.

NetDragon была заснаваная ў 1999 годзе. Яна стварыла такія гульні, як Eudemons Online, Heroes Evolved і Conquer Online, а таксама першы ў Кітаі гульнявы анлайн-партал 17173.com.