Софтверны сектар, які яшчэ нядаўна лічыўся адным з самых устойлівых, перажывае прыкметнае ахаладжэнне. Інвестары ўсё часцей сумняюцца, ці змогуць традыцыйныя распрацоўшчыкі ПЗ захаваць пазіцыі на фоне бурнага развіцця штучнага інтэлекту.
Софтверны сектар, які яшчэ нядаўна лічыўся адным з самых устойлівых, перажывае прыкметнае ахаладжэнне. Інвестары ўсё часцей сумняюцца, ці змогуць традыцыйныя распрацоўшчыкі ПЗ захаваць пазіцыі на фоне бурнага развіцця штучнага інтэлекту.
Паводле дадзеных The Wall Street Journal, акцыі такіх гігантаў, як Salesforce, Adobe і ServiceNow, з пачатку мінулага года ўпалі як мінімум на 30%. Індэкс малых і сярэдніх софтверных кампаній S&P за той жа перыяд страціў больш за 20%, прычым зніжэнне паскорылася ў апошнія тыдні — пасля выхаду інструмента Claude Code ад Anthropic, які, па словах удзельнікаў рынку, рэзка скарачае час распрацоўкі нават складаных прадуктаў.
«Наратыў цалкам змяніўся», — кажа аналітык RBC Capital Markets Рышы Джалурыя. Па яго словах, калі раней інвестары разлічвалі, што ШІ ўзмоцніць сафтверныя кампаніі, то цяпер усё часцей задаюцца пытаннем: «А ці не з’яўляецца ШІ пагрозай для самога бізнесу распрацоўкі ПЗ?». «ШІ можа нашкодзіць „тлустым і лянівым“ гульцам, але дапамагчы тым, хто ўмее выкарыстоўваць яго для паляпшэння прадуктаў», — лічыць Джалурыя.
Асцярогі ўзмацняюцца на фоне росту даўгавых рызык. Калі раней дэфолты ў саофтверным сектары былі рэдкасцю, то за апошнія два гады, паводле дадзеных PitchBook LCD, 13 кампаній дапусцілі дэфолты або правялі рэструктурызацыі. Сярод іх — Quest (распрацоўшчык сістэмы аўтэнтыфікацыі OneLogin), купленая фондам Clearlake Capital у 2022 годзе з прыцягненнем $3,6 мільярда пазыковых сродкаў.
Хоць узровень дэфолтаў па-ранейшаму ніжэй за сярэдні па рынку LBO-крэдытаў, інвестары сталі патрабаваць больш высокую даходнасць за рызыку. «Інвестары сталі значна ўважлівей прыглядацца да софтверных кампаній», — адзначае партфельны менеджар Seix Investment Advisors Вінс Флэнаган. Эксперт лічыць, што фактар ШІ толькі ўзмацняе асцярожнасць.
Ключавая рызыка, на думку аналітыкаў, не ў тым, што софтверныя кампаніі знікнуць, а ў тым, што ім стане складаней нарошчваць выручку. Кліенты ўсё часцей эксперыментуюць з альтэрнатывамі, уключаючы ўласную распрацоўку з дапамогай ШІ, замест таго, каб плаціць за звыклыя абнаўленні і дадатковыя модулі.
Нявызначанасць вакол будучыні софтвернай індустрыі накладваецца на больш шырокія сумневы ва ўстойлівасці ШІ-буму. Інвестары працягваюць укладвацца ў буйных ШІ-гульцоў, такіх як Alphabet і Microsoft, але робяць гэта ўсё больш выбарачна. Пры гэтым кампаніі, якія актыўна інвестуюць у ШІ-інфраструктуру, сутыкаюцца з ростам кошту пазык: даўгавыя рынкі ўжо не гатовыя заплюшчваць вочы на маштабныя выдаткі без ясных перспектыў акупнасці.
«Адчувальнасць інвестараў зараз вельмі высокая», — кажа аналітык Columbia Threadneedle Investments Рыч Грос. Па яго словах, рынак усё часцей задаецца пытаннямі: «Наколькі гэтыя інвестыцыі ўстойлівыя? Ці будуць яны прыбытковымі? І ці з’явяцца ў выніку рэальныя грашовыя плыні?»
Релоцировались? Теперь вы можете комментировать без верификации аккаунта.