АІ павысіў ёмістасць акумулятара на 10%, тэрмін службы — на 25%

Eatron Technologies і Syntiant распрацавалі тэхналогію маніторынгу стану працаздольнасці і стану зарада, якая значна дакладнейшая за традыцыйныя блокі BMS. Нейрапрацэсар NDP120 аналізуе паказчыкі акумулятара і выяўляе праблемы на ранняй стадыі, пасля чаго прымае рашэнні для прадухілення збояў, аптымізацыі прадукцыйнасці і павышэння бяспекі.

Паводле слоў вытворцаў, сучасныя літыйіонныя батарэі могуць вытрымліваць у сярэднім каля 500-1000 цыклаў зарадкі да пачатку значнай дэградацыі. AI BMS павялічвае гэты паказчык да 625-1250 цыклаў.

Нейрапрацэсар можна інтэграваць у існыя блокі BMS. Такі чып можа быць карысным у электрамабілях і электрычных лятальных апаратах з вертыкальным узлётам і пасадкай. Ён можа павысіць запас ходу машыны, павялічыць тэрмін службы батарэі да чарговай зарадкі і зэканоміць сродкі спажыўцу.