АІ-праграма беларускі прыцягнула каля $600 тысяч

Стартап заснавала экс-кіраўніца маркетынгу ў беларускай кампаніі Wannaby Дар’я Сесіцкая, якая таксама ўзначальвала дызайн AR-прадуктаў у Snap. Яшчэ ў камандзе стартапа былыя супрацоўнікі кампаній Snapchat, Pinata Farms і Blizzard.

Карыстальнік Shader можа напісаць або вымавіць на англійскай, што хоча атрымаць ад нейрасеткі, а яна згенеруе эфект, які адлюструецца на фота або відэа ў рэальным часе. Фільтр можна экспартаваць у іншыя сацсеткі, уключаючы Instagram, TikTok і Snapchat. Адная з пераваг праграмы — здольнасць нейрасеткі генераваць эфекты адразу з некалькімі людзьмі ў кадры. Таксама можна ўжываць гатовыя шаблоны фільтраў.

Сэрвіс пабудаваны на базе мадэлі Stable Diffusion. У мінулым снежні праграма ў бэта-версіі запусцілася на iOS. За гэты час яна набрала каля 3 тысяч запамповак. У далейшым каманда збіраецца запусціць Android-версію і платную падпіску з доступам да функцыяналу ў больш высокай якасці.

Таксама ў планах Shader дадаць у праграму стужку, куды карыстальнікі змогуць выкладваць шаблоны фільтраў, каб іх паспрабавалі іншыя карыстальнікі. Іх можна будзе лайкаць і пакідаць пад імі каментары.

Што тычыцца фінансавання, Shader прыцягнуў $580 тысяч ад такіх кампаній, як Betaworks, Greycroft, Differential Ventures, Mozilla Ventures і On Deck. Грошы пойдуць на стварэнне новага функцыяналу, напрыклад, галасавога ўводу промптаў, 3D-фонаў і інтэграцыю з іншымі платформамі накшталт Twitch, Discord і Zoom, а таксама на пашырэнне каманды маркетолагаў.

Стартап Shader, заснаваны беларускай, выпусціў AI-праграму. Яна генеруе AR-эфекты для сацсетак

Па тэме

Стартап Shader, заснаваны беларускай, выпусціў AI-праграму. Яна генеруе AR-эфекты для сацсетак