Алеся Чапкевич world 16 лютага 2026, 15:56

ШІ разганяе дэфіцыт памяці: рынак чыпаў уваходзіць у крызіс

У тэхнаіндустрыі ўзмацняюцца апасенні з-за дэфіцыту чыпаў памяці, піша Bloomberg. Кампаніі накшталт Tesla і Apple папярэджваюць, што недахоп DRAM — базавага кампанента амаль усёй электронікі — ужо б’е па прыбытку і тармозіць вытворчасць. Паводле словаў Ціма Кука, гэта ціснe на маржу iPhone, а Micron называе сітуацыю «беспрэцэдэнтнай». Ілан Маск заявіў, што Tesla можа пабудаваць уласны завод: «У нас два варыянты: упірацца ў столь па чыпах ці будаваць фабрыку».

Пакінуць каментарый

ШІ разганяе дэфіцыт памяці: рынак чыпаў уваходзіць у крызіс

У тэхнаіндустрыі ўзмацняюцца апасенні з-за дэфіцыту чыпаў памяці, піша Bloomberg. Кампаніі накшталт Tesla і Apple папярэджваюць, што недахоп DRAM — базавага кампанента амаль усёй электронікі — ужо б’е па прыбытку і тармозіць вытворчасць. Паводле словаў Ціма Кука, гэта ціснe на маржу iPhone, а Micron называе сітуацыю «беспрэцэдэнтнай». Ілан Маск заявіў, што Tesla можа пабудаваць уласны завод: «У нас два варыянты: упірацца ў столь па чыпах ці будаваць фабрыку».

Галоўная прычына — рэзкі рост попыту ў сферы ШІ. Тэхнакампаніі накшталт Google, OpenAI і Amazon масава закупляюць паскаральнікі Nvidia, якія патрабуюць вялізнага аб’ёму памяці для працы мадэляў. Вытворцы спажывецкай электронікі вымушаны змагацца за абмежаваныя пастаўкі чыпаў ад Samsung, SK Hynix і Micron.

Цэны рэзка растуць: адзін з тыпаў DRAM падаражэў на 75% усяго за месяц, а пастаўшчыкі пачалі перагледжваць цэны літаральна штодзень. Аналітыкі папярэджваюць, што гэта толькі пачатак. Паводле словаў кіраўніка Lam Research Ціма Арчэра, попыт да канца дзесяцігоддзя «будзе больш, чым мы калі-небудзь бачылі».

Дэфіцыт ужо ўплывае на планы кампаній. Sony, паводле крыніц выдання, разглядае перанос выхаду наступнай PlayStation на 2028–2029 гады. Вытворцы смартфонаў, уключаючы Oppo і Xiaomi, зніжаюць прагнозы паставак. Cisco, Qualcomm і Arm папярэджваюць пра ціск на прыбытак, а рытэйлеры і зборшчыкі ПК фіксуюць рэзкі рост цэнаў і падзенне попыту.

Ключавы фактар — пераразмеркаванне вытворчасці. Вытворцы памяці пераключаюцца на больш прыбытковую HBM-памяць для ШІ-паскаральнікаў у шкоду звычайнай DRAM для смартфонаў і ПК. Адзін сучасны сервер з ШІ можа спажываць столькі памяці, колькі патрэбна тысячам смартфонаў. Па ацэнках TrendForce, попыт на HBM вырасце на 70% ужо ў гэтым годзе.

Эксперты лічаць, што гэта не кароткатэрміновы збой, а структурны дысбаланс. «Гэта самы сур’ёзны разрыў паміж попытам і прапановай за 25 гадоў», — кажа топ-менеджар Micron Маніш Бхація. Будаўніцтва новых фабрык займае гады, таму дэфіцыт захаваецца. Вытворцы папярэджваюць пра рост цэнаў на электроніку, а памяць усё часцей называюць «новым золатам» у эпоху ШІ.