Кампанія Palantir Technologies Пітэра Тыля будзе выкарыстоўваць штучны інтэлект для дапамогі ў размініраванні Украіны. Пра яе партнёрства з Міністэрствам эканомікі краіны піша партал LIGA.net.
Кампанія Palantir Technologies Пітэра Тыля будзе выкарыстоўваць штучны інтэлект для дапамогі ў размініраванні Украіны. Пра яе партнёрства з Міністэрствам эканомікі краіны піша партал LIGA.net.
Palantir спецыялізуецца на аналізе вялікіх масіваў даных. Адным з заснавальнікаў кампаніі з’яўляецца інвестар і бізнэсмен Пітэр Тыль, які на раннім этапе ўклаўся ў Facebook і стаяў ля вытокаў PayPal. У 2020 годзе Palantir выйшла на Нью-Ёркскую фондавую біржу. Сярод яе асноўных заказчыкаў — спецслужбы, напрыклад ЦРУ, інвестбанкі і хедж-фонды.
Ва Украіне Palantir будзе працаваць над гуманітарным размініраваннем. У яе задачы будзе ўваходзіць аблічбоўка аперацый і аўтаматызацыя працэсаў супрацьміннай дзейнасці, а таксама пашырэнне лічбавых магчымасцяў для каардынацыі вызвалення і ацэнкі зямель, вызначэнне прыярытэтаў рэгіёнаў і кіраванне рызыкамі пры размініраванні. Для прыняцця рашэнняў будзе выкарыстоўвацца асістэнт на базе АІ-платформы Palantir AIP.
Платформа будзе працаваць з вялікімі базамі даных ад структур, якія маюць дачыненне да размініравання: мясцовых уладаў, міністэрстваў і ведамстваў, аператараў супрацьміннай дзейнасці. Яна будзе аналізаваць інфармацыю і даваць рэкамендацыі па аптымізацыі гэтых працэсаў. Напрыклад, зможа параіць, як больш эфектыўна ачысціць канкрэтную тэрыторыю: з дапамогай новых метадаў размініравання накшталт дронаў або традыцыйнымі метадамі.
Мэтай ёсць размініраваць тэрыторыі хутчэй і пры меншых выдатках. Ва Украіне патэнцыйна забруджаныя 156 тысяч квадратных кіламетраў зямлі. У зоне рызыкі знаходзіцца больш за 6 млн чалавек.
Рэлацыраваліся? Цяпер вы можаце каментаваць без верыфікацыі акаўнта.