На вуліцах Сан-Францыска з’явіўся загадкавы білборд: белы шчыт з наборам лічбаў і без адзінага лагатыпа выявіўся шыфрам ад Listen Labs — малавядомага ШІ-стартапа, які вырашыў такім чынам знайсці таленавітых інжынераў.
На вуліцах Сан-Францыска з’явіўся загадкавы білборд: белы шчыт з наборам лічбаў і без адзінага лагатыпа выявіўся шыфрам ад Listen Labs — малавядомага ШІ-стартапа, які вырашыў такім чынам знайсці таленавітых інжынераў.
На адной з вуліц горада з’явіўся плакат з надпісам «https\://» і пяццю кластарамі лічбаў. Праграмісты хутка здагадаліся, што гэта токены, якія выкарыстоўваюцца буйнымі моўнымі мадэлямі. Расшыфраваўшы паведамленне прыйшлі на сайт з выпрабаваннем пад назвай Berghain Challenge.
Задача ўдзельнікаў — стварыць алгарытмічнага «фэйс-кантралёра» для легендарнага берлінскага клуба Berghain: упусціць тысячу гасцей, выконваючы правілы кшталту «мінімум 40% мясцовых» ці «80% у чорным адзенні». Прызам за лепшае рашэнне было інтэрв’ю ў Listen Labs і аплачаная ноч у берлінскім клубе.
Listen Labs займаецца аўтаматызаванымі маркетынгавымі даследаваннямі: іх ШІ-агент вядзе дыялог з кліентамі брэндаў кшталту Google, Skims і Nestle, каб за гадзіны збіраць дадзеныя аб перавагах спажыўцоў. Сёлета кампанія прыцягнула $27 мільёнаў інвестыцый ад Sequoia Capital, але сутыкнулася з цяжкасцямі найму.
Паводле слоў CEO і сузаснавальніка Альфрэда Вальфорса, «рэкрутынг ператварыўся ў пекла», а задача чэленджа адлюстроўвае саму сутнасць бізнесу Listen — выбіраць патрэбных людзей з натоўпу. Паводле дадзеных кампаніі, больш за 10 000 чалавек расшыфравалі загадку з білборда, тысяча паспрабавала прайсці чэлендж, і толькі 60 справіліся да канца. Пераможцаў запрасілі на інтэрв’ю.
Зараз у Listen працуе 25 супрацоўнікаў, але ў наступным годзе каманда плануе вырасці да 100 чалавек. А для пераможцаў застаецца адкрытае пытанне: ці змогуць яны сапраўды трапіць у Бергхайн, вядомы сваім прыдзірлівым фэйс-кантролем?
Вальфорс запэўнівае, што выйсце ёсць: яго брат заснаваў SoundCloud і мае сувязі, якія дапамагаюць прайсці строгі фэйс-кантроль. «А калі праца не падыдзе, то хаця б будзе бясплатная паездка ў Берлін», — дадаў ён.
Рэлацыраваліся? Цяпер вы можаце каментаваць без верыфікацыі акаўнта.