Гендырэктар Tesla пачаў 2023 год з трапляння ў Кнігу рэкордаў Гінэса — што праўда, нагода не зусім вясёлая. Ілана Маска ўганаравалі месцам у ёй як чалавека, які страціў больш за ўсё грошай у гісторыі. Пра гэта складальнікі Кнігі паведамілі ў пятнічным рэлізе.
Гендырэктар Tesla пачаў 2023 год з трапляння ў Кнігу рэкордаў Гінэса — што праўда, нагода не зусім вясёлая. Ілана Маска ўганаравалі месцам у ёй як чалавека, які страціў больш за ўсё грошай у гісторыі. Пра гэта складальнікі Кнігі паведамілі ў пятнічным рэлізе.
Паводле даных Forbes, багацце Маска крыху больш ніж за год зменшылася на $183 млрд, паводле падлікаў Bloomberg — на $200 млрд. Таксама летась Маск саступіў званне найбагацейшага чалавека на планеце французскаму прадпрымальніку і кіраўніку групы кампаній Louis Vuitton Moët Hennessy Бернару Арно.
На піку ў лістападзе 2021-га Bloomberg ацэньваў багацце амерыканскага бізнэсоўца ў $340 млрд. У асноўным яно складаецца з акцый Tesla, каціроўкі якой за мінулы год знізіліся на 65%. Падзенне, звязанае з сітуацыяй на электрамабільным рынку, пагоршыла ўгода Маска з Twitter — многія інвестары незадаволеныя яго захапленнем сацсеткай і тым, што ён стаў надаваць менш увагі аўтавытворцу.
Да Маска рэкорд па страчаным багацці належаў кіраўніку і заснавальніку японскага холдынгу Softbank Масаёшы Сону. У 2000 годзе ён «збяднеў» на $58,6 млрд.
Цяпер Forbes ацэньвае багацце Маска ў $143,8 млрд, Bloomberg — у $129 млрд.
Рэлацыраваліся? Цяпер вы можаце каментаваць без верыфікацыі акаўнта.
"Потерял", ага. Примерно так же как он их приобрёл, только в обратную сторону - тупо поменялась цена принадлежащих ему акций.
Как же много народу не понимает разницу между собственно деньгами и капитализацией.