Індэкс iPhone 16: колькі дзён трэба працаваць, каб яго купіць

Індэкс iPhone — гэта цана смартфон, пераведзеная ў працоўныя дні. Гаворка ідзе пра мадэль iPhone 16 Pro ў версіі 128 Гбайт. Індэкс разлічаны на аснове афіцыйных цэн, пазначаных у рэгіянальных крамах Apple або ў аўтарызаваных прадаўцоў. Інфармацыя пра зарплату ўзятая з сайтаў органаў дзяржаўнай статыстыкі.

«Памер заробку пасля выплаты падаткаў разлічаны з дапамогай мясцовых калькулятараў заробкаў. Месячны заробак мы падзялілі на 21 — сярэднюю колькасць працоўных дзён у месяцы. У краінах, дзе статыстычныя ведамствы карыстаюцца тыднёвымі стаўкамі, памер даходу дзялілі на 5», — пазначана на сайце.

Больш за ўсё трэба працаваць у Турцыі: для куплі гаджата прыйдзецца працаваць 72,9 працоўнага дня. Лягчэй за ўсё купіць iPhone у Швейцарыі: там трэба папрацаваць усяго чатыры дні. Гэтак жа хутка можна атрымаць гаджат у ЗША: тут індэкс роўны 5,1 дня.

У Германіі гэты паказчык роўны 9,1 дня, у Канадзе — 7,6 дня, Францыі — 9,8 дня, Іспаніі — 14,9 дня. У канцы спіса апынуліся такія краіны, як Расія, Філіпіны, Індыя, В’етнам і Бразілія.