Тэхналагічныя кампаніі цяпер мусяць атрымліваць дазвол ўрада, перш як выпусціць прадукты на базе штучнага інтэлекту, якія ёсць «ненадзейнымі» або знаходзяцца на этапе тэсціравання, для шырокай публікі ў Індыі. Пра гэта піша Reuters.
Тэхналагічныя кампаніі цяпер мусяць атрымліваць дазвол ўрада, перш як выпусціць прадукты на базе штучнага інтэлекту, якія ёсць «ненадзейнымі» або знаходзяцца на этапе тэсціравання, для шырокай публікі ў Індыі. Пра гэта піша Reuters.
Адпаведнае патрабаванне вылучыла Міністэрства камунікацый і інфармацыйных тэхналогій краіны ў пятніцу. Акрамя таго, распрацоўшчыкі мусяць пазначаць, што такія АІ-інструменты могуць выдаваць некарэктныя адказы.
Незадоўга да гэтага адзін з індыйскіх міністраў раскрытыкаваў Google Gemini. На пытанне аб тым, ці з’яўляецца прэм’ер-міністр Нарэндра Модзі фашыстам, чат-бот сказаў, што некаторыя эксперты так лічаць, і пачаў пералічваць, чаму.
На наступны дзень Google заявіла, што аператыўна выправіла праблему і што інструмент «не заўсёды надзейны», асабліва ў адказах на пытанні пра бягучы парадак дня і палітыку. У ІТ-міністэрстве на гэта сказалі, што распрацоўшчыкі абавязаныя гарантаваць бяспеку і дакладнасць сваіх платформаў, а тлумачэнне, што прадукт можа памыляцца, не пазбаўляе іх ад адказнасці.
Сярод іншых новых патрабаванняў — АІ-інструменты не мусяць «пагражаць цэласнасці выбарчага працэсу». У гэтым годзе ў Індыі пройдуць парламенцкія выбары.
Рэлацыраваліся? Цяпер вы можаце каментаваць без верыфікацыі акаўнта.