Николай Чикишев 4 верасня 2023, 13:29

Індыя запусціла місію для вывучэння Сонца

Індыя запусціла аўтаматычную станцыю па даследаванні Сонца Aditya-L1. Гэта другая касмічная місія краіны за год.

Ракета-носьбіт PSLV C57 са станцыяй на борце стартавала з касмадрома на востраве Шрыхарыкота ў Бенгальскім заліве. Сонечная абсерваторыя мае прабыць на калязямной арбіце 16 дзён, пасля яна за 110 дзён мае дасягнуць сонца. Мэта місіі — даследаванне храмасферы і кароны Сонца, вымярэнне магнітнага поля і патоку часціц.

На борце станцыі знаходзяцца сем прылад: чатыры для дыстанцыйнага зандзіравання і тры для назірання на месцы. Aditya-L1 — другая па ліку касмічная місія Індыі сёлета. Раней 14 ліпеня да Месяца запусцілі станцыю «Чандраян-3» з месяцаходам «Праг’ян» на борце. 23 жніўня «Чандраян-3» паспяхова села ў раёне паўднёвага полюса спадарожніка, дзе месяцаход вывучаў склад грунту ў пошуках вадзянога лёду.