Николай Чикишев 4 лістапада 2024, 13:40

Інданезія забараніла прадаваць iPhone 16. А потым і Google Pixel

Краіна забараніла продажы смартфонаў iPhone 16 і Google Pixel праз невыкананне кампаніямі Apple і Google правілаў, якія патрабуюць выкарыстання мясцовых камплектуючых.

1 каментарый

Інданезія забараніла прадаваць iPhone 16. А потым і Google Pixel

Краіна забараніла продажы смартфонаў iPhone 16 і Google Pixel праз невыкананне кампаніямі Apple і Google правілаў, якія патрабуюць выкарыстання мясцовых камплектуючых.

Улады Інданезіі патрабуюць, каб пэўныя смартфоны, якія прадаюцца ў краіне, утрымлівалі не менш за 40% камплектуючых, вырабленых на яе тэрыторыі. Кампаніі могуць выканаць гэтае патрабаванне, наладжваючы партнёрскія адносіны з мясцовымі пастаўшчыкамі, арганізуючы вытворчасць камплектуючых унутры краіны, распрацоўваючы праграмнае забеспячэнне або інвестуючы ў мясцовыя інавацыйныя праекты.

Apple не выканала сваіх інвестыцыйных забавязанняў у памеры 1,71 трлн інданезійскіх рупій (каля $109 мільёнаў), уклаўшы толькі 1,48 трлн рупій (каля $95 мільёнаў). Праз недахоп усяго $14,75 мільёна Міністэрства прамысловасці не выдала кампаніі неабходнага сертыфіката TKDN, неабходнага для легалізацыі прылад у Інданезіі.

Забарона на продаж iPhone 16 распаўсюджваецца на ўсе мадэлі, выпушчаныя пасля 20 верасня. У той жа час iPhone 16, увезеныя ў Інданэзію для асабістага карыстання падарожнікамі, членамі экіпажаў самалётаў або адпраўленыя праз кур’ерскую службы, дазволеныя да ўвозу ў колькасці не большай за дзве прылады.

Google таксама не выканала патрабаванняў па лакалізацыі вытворчасці, у выніку чаго продажы смартфонаў Pixel былі заблакаваныя. Кампанія заявіла, што Pixel афіцыйна не распаўсюджваецца ў Інданезіі. Нягледзячы на забарону, ані Apple, ані Google не ўваходзяць у пяцёрку найбуйнейшых вытворцаў смартфонаў у Інданезіі. Лідарамі рынку з’яўляюцца кітайская кампанія OPPO і паўднёвакарэйская Samsung.