Intel была адной з першых тэхналагічных кампаній, уключаных у прамысловы індэкс Dow Jones пры канцы 1990-х. Цяпер на фоне імклівага падзення курса акцый яна можа быць выключаная з яго, піша Reuters.
Intel была адной з першых тэхналагічных кампаній, уключаных у прамысловы індэкс Dow Jones пры канцы 1990-х. Цяпер на фоне імклівага падзення курса акцый яна можа быць выключаная з яго, піша Reuters.
Такую магчымасць дапускаюць аналітыкі і інвестары. За бягучы год акцыі кампаніі абваліліся прыкладна на 60% — гэта найгоршая дынаміка ва ўсім рэйтынгу. На сённяшніх таргах каштоўныя паперы тэхнагіганта патаннелі на 7%.
Выгнанне з індэкса нанясе ўдар па ўжо і так пацярпелай рэпутацыі Intel. Яна не змагла атрымаць выгаду з буму АІ, а ў падраздзялення кантрактнай вытворчасці чыпаў, якое яна развівае ў надзеі пазмагацца з TSMC, растуць страты.
Каб прафінансаваць новы бізнэс, Intel прыпыніла выплату дывідэндаў і плануе звольніць 15% штату. Аднак некаторыя сябры праўлення лічаць, што гэтыя меры не дапамогуць.
Агульнасусветныя продажы паўправаднікоў у ліпені ўпалі больш чым на 11% у параўнанні з чэрвенем, а сам паказчык быў ніжэйшы за сярэднія значэнні за апошнія 5 і 10 гадоў.
Рэлацыраваліся? Цяпер вы можаце каментаваць без верыфікацыі акаўнта.