Аддзел навін 23 ліпеня 2024, 13:08

Intel згарнула інвестпраекты ў Італіі і Францыі, арыентуецца на Польшчу і іншых

Intel замарозіла важныя інвестыцыйныя праекты ў Італіі і Францыі праз «фінансавыя страты», піша Tom’s Hardware са спасылкай на Politico.

1 каментарый

Intel згарнула інвестпраекты ў Італіі і Францыі, арыентуецца на Польшчу і іншых

Intel замарозіла важныя інвестыцыйныя праекты ў Італіі і Францыі праз «фінансавыя страты», піша Tom’s Hardware са спасылкай на Politico.

Кампанія зрушыла фокус на Ірландыю, дзе знаходзіцца яе перадавая фабрыка, Германію, дзе яна рыхтуецца пачаць будаўніцтва адной з самых высокатэхналагічных фабрык у свеце, і Польшчу, дзе плануе пабудаваць завод упакоўкі сваёй прадукцыі.

У Францыі амерыканскі чыпмэйкер збіраўся стварыць новы R&D-хаб блізу Парыжа, які меўся займацца даследаваннямі ў галіне штучнага інтэлекту і высокапрадукцыйных вылічэнняў. Ён меўся адкрыцца да канца гэтага года і налічваць 450 супрацоўнікаў. Цяпер праз зменлівыя эканамічныя і рынкавыя ўмовы праект прыпынены, але Intel усё роўна разглядае Францыю як кандыдата на размяшчэнне такога даследчага цэнтра.

Google OpenAI Microsoft Amazon і іншыя тэхнагіганты абядналіся для бяспекі АІ

У Італіі Intel хацела запусціць вытворчасць і стварыць 1500 працоўных месцаў толькі ў сябе, а яшчэ 3500 з’явілася б у пастаўшчыкоў. Пашырэнню кампаніі ў краіне перашкодзіў зрыў куплі ізраільскай фірмы Tower Semiconductor, звязанай з італьянскай STMicroelectronics. Угода не адбылася таму, што яе не ўхвалілі рэгулятары Кітая: і ў Intel, і ў Tower Semiconductor ёсць вытворчасці ў азіяцкай краіне, і мясцовыя ўлады маюць права распараджацца лёсам зліцця і паглынання ў такіх выпадках.

У Нямеччыне і Польшчы справы Intel ідуць добра, але не ўсё гладка. Праз розныя затрымкі запуск вытворчасці на комплексе ў Германіі, інвестыцыі ў які толькі на першым этапе дасягаюць €30 млрд, ссунуўся да канца 2028 года. У Польшчы Intel плануе ўзвесці сучасны завод па ўпакоўцы каля Уроцлава за €4,6 млрд. Ён будзе працаваць у звязку з нямецкім, дзе будуць выпускацца чыплеты.