Венчурная кампанія Geek Ventures ІТ-прадпрымальніка з Беларусі Ігара Маханька інвеставала ў Jome — амерыканскі стартап з украінскімі кафаўндарамі. Пра гэта Маханёк паведаміў у сацсетках.
Венчурная кампанія Geek Ventures ІТ-прадпрымальніка з Беларусі Ігара Маханька інвеставала ў Jome — амерыканскі стартап з украінскімі кафаўндарамі. Пра гэта Маханёк паведаміў у сацсетках.
Geek Ventures узначаліла раўнд серыі «А» ў аб’ёме 9,8 млн долараў. Каманда Jome (раней стартап быў вядомы пад назвай NewHomesMate) паведаміла, што агульны аб’ём інвестыцый кампаніі складае 16,5 млн долараў.
Стартап Jome заснавалі ўкраінцы Багдан Гнаткоўскі і Сафія Вішнеўская ў 2018 годзе. Стартап першапачаткова быў платформай для рыэлтараў. Цяпер асноўны прадукт кампаніі — AI-платформа для продажу новай нерухомасці ў ЗША.
У цяперашні час стартап працуе ў 16 буйных гарадах ЗША, уключаючы Осцін, дзе знаходзіцца штаб-кватэра Jome, і ахоплівае 90% даступнага рынку новабудоўляў. Прыцягнутыя сродкі будуць накіраваныя на пашырэнне прысутнасці кампаніі ў рэгіёнах ЗША. Стартап плануе вырасці на 200-300% у 2025 годзе.
Станам на май 2024 года кампанію ацэньвалі ў 30-40 млн долараў. Бягучай ацэнкі заснавальнікі не раскрываюць.
Geek Ventures — венчурная кампанія Ігара Маханька. Улетку 2023 года кампанія абвясціла пра запуск інвестфонду з капіталам 23 млн долараў. Фонд інвестуе ў стартапы мігрантаў, якія пераязджаюць у ЗША.
Geek Ventures падтрымлівае група інвестараў, у тым ліку заснавальнікі PandaDoc Мікіта Мікада і Сяргей Барысюк, заснавальнік і гендырэктар Applovin Адам Фаругі, Decile Capital Premier Fund I.
Рэлацыраваліся? Цяпер вы можаце каментаваць без верыфікацыі акаўнта.
молодцы