Дэбютны праект інды-студыі Sad Cat Studios, якая раней базавалася ў Мінску, дадалі ў спіс жаданага амаль мільён чалавек. Пра гэта паведаміў у LinkedIn кіруючы дырэктар GEM Capital Раман Гурскі.
Дэбютны праект інды-студыі Sad Cat Studios, якая раней базавалася ў Мінску, дадалі ў спіс жаданага амаль мільён чалавек. Пра гэта паведаміў у LinkedIn кіруючы дырэктар GEM Capital Раман Гурскі.
REPLACED — гэта сюжэтны двухмерны экшн-платформер, адна з ключавых асаблівасцей якога — надзвычай яскравая піксельная карцінка ў стылі прыгодніцкай гульні The Last Night, анансаванай Odd Tales яшчэ ў 2014 годзе.
Sad Cat Studios таксама працуе над сваёй гульнёй працяглы час — з 2018 года, піша app2top. Зараз яна рыхтуецца да запуску на ПК і кансолях, рэліз запланаваны на 14 красавіка.
Да Steam-фестывалю «Гульням быць» распрацоўшчыкі выпусцілі дэма-версію, якая паспела сабраць больш за 1600 рэцэнзій і вельмі высокі рэйтынг — больш за 90% гульцоў ацанілі гульню станоўча.
Платформер уваходзіць у партфель інвестфонду GEM Capital. У кастрычніку 2023 года было абвешчана, што ён вылучыў студыі $5 млн. Тады паведамлялася, што частка сумы пойдзе на дапрацоўку REPLACED, першапачатковы рэліз якой быў запланаваны на 2022 год.
Рэлацыраваліся? Цяпер вы можаце каментаваць без верыфікацыі акаўнта.