Тыдзень таму кітайская кампанія Ant Group выпусціла вайбкодарскі інструмент LingGuang. Ён стаў настолькі хутка набіраць папулярнасць, што праз некалькі дзён яго топавая функцыя зламалася. А першы мільён карыстальнікаў ён набраў хутчэй галоўных прадуктаў OpenAI, піша Business Insider.
Тыдзень таму кітайская кампанія Ant Group выпусціла вайбкодарскі інструмент LingGuang. Ён стаў настолькі хутка набіраць папулярнасць, што праз некалькі дзён яго топавая функцыя зламалася. А першы мільён карыстальнікаў ён набраў хутчэй галоўных прадуктаў OpenAI, піша Business Insider.
LingGuang дазваляе хутка ствараць невялікія аплікацыі па тэкставых промптах пры дапамозе ШІ. Праграма выйшла ў мінулы аўторак і ўжо праз 4 дні налічвала 1 млн загрузак. Па дадзеных распрацоўшчыкаў, да панядзелка, гэта значыць учора, праграма пераадолела 2 млн усталёвак. У сегменце кантынентальнага Кітая ў App Store яна дабралася да 1 месца сярод бясплатных аплікацый-утыліт, а ў агульным спісе бясплатных заняла 6 месца.
Самыя хуткія распрацоўкі OpenAI — ChatGPT і генератар відэа Sora — пераадолелі адзнаку ў мільён юзераў за 5 дзён.
У Ant Group расказалі, што праз тры дні пасля рэліза LingGuang аплікацыя не вытрымала трафіку — функцыя стварэння міні-аплікацый зламалася з-за наплыву жадаючых яе выпрабаваць, але яе хутка адрамантавалі. Яна дазваляе за 30 секунд ствараць простыя персаналізаваныя інтэрактыўныя аплікацыі — напрыклад, калькулятары зэканомленых выдаткаў на машыну ці генератары ідэй, чым заняць дзіця.
Акрамя такіх аплікацый LingGuang умее рабіць 3D-мадэлі, інтэрактыўныя дыяграмы, анімацыі і іншую графіку. Таксама ў ім ёсць «AGI-камера», якая ўмее на хаду аналізаваць і рэдагаваць карцінкі і відэа. LingGuang даступны на iOS, Android і ў вэб-версіі.
Рэлацыраваліся? Цяпер вы можаце каментаваць без верыфікацыі акаўнта.