Каго наймаюць буйныя кампаніі з беларускімі каранямі ў Польшчы і Літве? Вывучылі вакансіі і дыяпазоны заробкаў

Польшча

EPAM

У польскіх офісах EPAM працуе больш за 7 тысяч супрацоўнікаў. Наймае пачаткоўцаў кампанія таксама актыўна.

На сайце EPAM размешчана каля 280 вакансій (пры канцы жніўня іх было менш за 200) для працы ў Польшчы. Шукаюць спецыялістаў розных узроўняў, пры гэтым шмат вакансій для сеньёраў і лідоў.

EPAM патрэбныя распрацоўшчыкі (Java, JavaScript, Python, .Net, Angular), Engineer, SAP FI Consultant, Delivery Manager. Ёсць магчымасць працаваць як у офісе, так і аддалена. 

На сайце пошуку працы Justjoin.it больш за 250 вакансій. Пры гэтым у апісанні прапаноў адсутнічае інфармацыя аб прапанаванай зарплаце.

Мы знайшлі толькі дзве вакансіі з указаннем зарплаты — для Lead Data Software Engineer. Кампанія гатовая плаціць да 31,5 тысячы злотых (7,7+ тысячы долараў) па B2B-кантракце і да 28 тысяч злотых (6,9+ тысячы долараў) брута па працоўным кантракце («умове, а працэ»).

Wargaming

На сайце кампаніі размешчана 16 вакансій для працы ў Польшчы. Wargaming патрэбныя распрацоўшчыкі, мастакі, дызайнеры, менеджары. Таксама кампанія шукае дасведчанага Solutions Architect для новай каманды па AI. У апісанні вакансіі адсутнічае інфармацыя аб прапанаванай зарплаце.

Vention

Кампанія, відаць, актывізавала пошук новых спецыялістаў. Калі пры канцы жніўня на сайце кампаніі было размешчана каля 50 прапаноў працы ў Польшчы, то на сёння такіх прапаноў больш за 70. 

Шмат прапаноў для мідлоў і сеньёраў. Большасць вакансій па-ранейшаму для інжынераў. Ёсць прапановы для SAP Finance Consultant, а таксама для ахвотных прайсці стажыроўку. Памер заробкаў у апісанні вакансій не пазначаны.

Exadel

У Польшчы знаходзіцца асноўны цэнтр распрацоўкі кампаніі. 

На сайце Exadel больш за 30 прапаноў працы, у апісанні якіх у пераліку лакацый ёсць Польшча. Кампаніі патрэбныя ў асноўным інжынеры-праграмісты. Ёсць і прапановы для бізнэс-аналітыка і 3D Rigging Artist.

Senior Automation QA Engineer кампанія гатовая плаціць да 14 тысяч злотых (больш за 3,4 тысячы долараў) па працоўным кантракце і да 20 тысяч злотых па B2B (каля 5 тысяч долараў). У 3D Rigging Artist зарплата па B2B вышэйшая на 40%.

Godel Technologies

Кампанія восенню павялічыла колькасць прапаноў працы ў Польшчы. На сайце кампаніі размешчана 8 вакансій (пры канцы жніўня была толькі адная). Шукаюць у асноўным інжынераў-праграмістаў, прычым як мідлоў (з досведам 5-6 гадоў), так і джуноў (з досведам 6 месяцаў). 

Таксама ёсць прапанова працы для Agile Delivery Coordinator, People Partner і настаўніка англійскай мовы. 

Заробкі ў кампаніі моцна адрозніваюцца ў залежнасці ад узроўню і спецыялізацыі (мяркуючы з вакансій на сайце nofluffjobs.com).

Максімальны заробак Junior QA Engineer складае 8,5 тысяч злотых (больш за 2,1 тысячы долараў). Middle FullStack JS Engineer кампанія гатовая плаціць у два разы больш, а Lead FullStack JavaScript Engineer — у тры разы больш.

Сoherent Solutions

Польшча займае першае месца сярод усіх лакацый па колькасці прапаноў працы: на сайце кампаніі можна знайсці 19 вакансій. 

У асноўным Сoherent Solutions шукае распрацоўшчыкаў (Python, Android, iOS, Java, Front End). Таксама патрэбныя інжынеры. Патрабаваны досвед працы — 3-5 гадоў. 

LeverX Group

На сайце кампаніі больш за 480 вакансій, з іх амаль 90 тычыцца працы ў Польшчы (таксама ў апісанні многіх з іх пазначана яшчэ некалькі лакацый на выбар).

Большасць вакансій — для SAP MM Consultant (мідлоў, сеньёраў і лідоў). Можна знайсці і прапановы для Project Manager, DevOps Engineer, Python Developer.

Itransition

Кампанія размясціла на сайце каля 40 вакансій, у апісанні якіх сярод лакацый згадваецца Польшча.

Itransition шукае ў асноўным Business Analytics and Consulting, а таксама Software Development. Таксама ёсць прапановы працы для Data Engineering, Sales and Marketing. Патрабаваны досвед працы — 2-5 гадоў. 

IBA

На сайце кампаніі ўсяго тры вакансіі: для Java EE Developer, SAP Consultants і SAP Sales Manger для працы ва Уроцлаве або Варшаве.

Патрабаваны досвед працы — 2-3+ гады, патрабаваны ўзровень англійскай мовы — intermediate or higher.

Andersen

На сайце кампаніі больш за 70 прапаноў працы, але без пазначэння канкрэтных лакацый.

Некалькі дзясяткаў вакансій кампанія размясціла на Justjoin.it — у Польшчы яна шукае распрацоўшчыкаў.

Ёсць прапановы для QA Engineer з веданнем нямецкай мовы для працы над нямецкім праектам. Як сказана ў апісанні вакансіі, кліент кіруе больш як 1900 сучаснымі крамамі (па продажы тавараў для жывёл) у адзінаццаці еўрапейскіх краінах.

Зарплата ў залежнасці ад пазіцыі і ўмоў працы (B2B або працоўная дамова) складае ад 8,7 да 26+ тысяч злотых (2,1-6+ тысяч долараў).

Літва

EPAM

Каманда літоўскага філіяла EPAM працягвае скарачацца: ад пачатку года яна паменшылася на 10% — да 1230+ супрацоўнікаў. 

Тым не менш у кампаніі хапае прапаноў для працы ў Літве. На сайце EPAM размешчана больш за 150 вакансій. Вельмі шмат прапаноў для Engineer (Full Stack .NET, DevOps, C/C++ Linux Software, Azure Cloud). Таксама ёсць вакансіі для архітэктараў і спецыялістаў SAP.

Дыяпазоны заробкаў пазначаныя даволі шырокія. Напрыклад, SAP FICO Consultant кампанія гатовая плаціць да 4 тысяч еўра брута, а Data Technology Consultant — да 8,7 тысячы еўра. Key Java Engineer можа разлічваць на 3,6-6.5 тысячы еўра.

Wargaming

Літоўская каманда Wargaming працягвае плаўна скарачацца. Пры гэтым колькасць вакансій істотна не мяняецца. На працягу апошніх некалькіх месяцаў на сайце кампаніі было адкрыта ад 15 да 20 вакансій для розных спецыялістаў. 

Кампанія шукае дызайнераў, распрацоўшчыкаў, мастакоў, інжынераў для каманд World Of Tanks, World of Warships і новага праекта. 

Апошнія месяцы сярэдні заробак у Wargaming у Літве вагаецца ў межах 5,3-5,5 тысячы еўра брута. Новым супрацоўнікам кампанія гатовая плаціць ад 2,7 да 9,5 тысячы еўра. Самую вялікую зарплату прапаноўваюць Solutions Architect (AI Technology). Зарплата распрацоўшчыкаў і дызайнераў вагаецца ў межах 4-6 тысяч еўра.

Vention

У літоўскім офісе працуюць 165 спецыялістаў. Ад пачатку года каманда скарацілася на 22%. Мяркуючы з колькасці новых прапаноў, у Vention няма вялікай патрэбы ў новых спецыялістах. 

На сайце кампаніі 11 вакансій для працы ў Літве. Кампанія шукае інжынераў (мідлоў і сеньёраў), SAP Finance Consultant. Ёсць адная вакансія для джуна. 

Апошнія месяцы сярэдні заробак у кампаніі вагаўся на ўзроўні 4-4,4 тысячы еўра брута. Мяркуючы з бягучых прапаноў працы, джуны могуць разлічваць на 1,8 тысячы еўра брута, мідлы — на 4 тысячы еўра брута, а сеньёры — на 5-6 тысяч еўра брута.

Exadel

Літоўская каманда Exadel скарацілася ад пачатку года амаль на 20%. Цяпер у штаце зарэгістраваныя 46 супрацоўнікаў. 

На сайце кампаніі каля 25 вакансій, у якіх сярод лакацый фігуруе Літва. Кампаніі патрэбныя бізнэс-аналітыкі, інжынеры-праграмісты, распрацоўшчыкі. 

У апісанні вакансій не пазначаны памер зарплаты. Апошнія месяцы сярэдні заробак у літоўскім офісе кампаніі быў на ўзроўні 5-6 тысяч еўра брута. 

Godel Technologies

У літоўскім офісе працуе каля 90 супрацоўнікаў. Ад пачатку года штат амаль не змяніўся. 

Godel працягвае кропкава наймаць людзей у каманду. На сайце кампаніі ёсць 6 прапаноў для працы ў Літве. Усе для інжынераў-праграмістаў. Пры гэтым ёсць прапановы для спецыялістаў усіх узроўняў (джуноў, мідлоў і сеньёраў). 

На сайце cvbankas.lt Godel размясціла некалькі прапаноў для ахвотных прайсці 4-месячную аплачваную стажыроўку з магчымасцю далейшага працаўладкавання. Кампанія гатовая плаціць стажорам 237 еўра брута на месяц. У выпадку паспяховага праходжання стажыроўкі зарплата вырасце да 1050 еўра. 

Сoherent Solutions

У літоўскім офісе працуюць 113 спецыялістаў. Ад пачатку года каманда скарацілася амаль на 15%. 

На сайце кампаніі размешчана 18 вакансій, у апісанні якіх сярод лакацый ёсць Літва. Сoherent Solutions шукае распрацоўшчыкаў і інжынераў-праграмістаў. 

Таксама кампанія шукае стажораў для невялікай каманды распрацоўшчыкаў, якая будзе працаваць над стварэннем праграмы. 

LeverX Group

Паводле даных rekvizitai.vz.lt, у літоўскім офісе кампаніі працуюць усяго 15 спецыялістаў. 

На сайце кампаніі больш за 60 вакансій, дзе ў пераліку лакацый на выбар паказаная Літва. 

Ёсць прапановы для спецыялістаў розных узроўняў, уключаючы джуноў. Напрыклад, Junior ABAP Developer, Junior Success Factors Consultant. А большасць вакансій — для SAP Consultant.

Itransition

У літоўскай камандзе 26 чалавек. На пачатку года іх было больш за 30. 

На дадзены момант кампанія не наймае актыўна новых спецыялістаў у штат. На сайце Itransition усяго 16 вакансій, у якіх Літва паказаная ў ліку іншых даступных лакацый для новых супрацоўнікаў.

Itransition шукае ў асноўным бізнэс-аналітыкаў і распрацоўшчыкаў. Ёсць вакансіі для Data Engineering і Sales Manager.

Flo Health

У літоўскім штаце распрацоўшчыка праграмы для жаночага здароўя працуюць 242 супрацоўнікі. Ад пачатку года каманда амаль не змянілася.

На сайце кампаніі каля 20 прапаноў працы ў Літве. Амаль палова вакансій для Engineering (Staff Android/iOS, Machine Learning, Backend, Frontend). Таксама ёсць прапановы для дызайнераў, маркетолагаў, прадуктовых менеджараў. 

Зарплата ў кампаніі вагаецца ў залежнасці ад узроўню спецыяліста — ад 2,7 да 11+ тысяч еўра брута. Менш за ўсё кампанія гатовая прапанаваць QA Release Manager — 2700-4540 еўра брута. На самую высокую зарплату могуць прэтэндаваць суіскальнікі на пазіцыю Staff iOS Engineer — 10 500-11 300 еўра.