Бацькам не варта зацыклівацца на тым, якую менавіта спецыяльнасць выбяруць іх дзеці ў эру ШІ. Пра гэта заявіў генеральны дырэктар Nvidia Джэнсэн Хуанг у інтэрв’ю сінгапурскаму тэлеканалу Channel NewsAsia.
Бацькам не варта зацыклівацца на тым, якую менавіта спецыяльнасць выбяруць іх дзеці ў эру ШІ. Пра гэта заявіў генеральны дырэктар Nvidia Джэнсэн Хуанг у інтэрв’ю сінгапурскаму тэлеканалу Channel NewsAsia.
На думку кіраўніка тэхгіганта, замест таго, каб прабаваць адгадаць, якія прафесіі не пацерпяць ад ШІ, дзецям трэба сканцэнтравацца на тым, як выкарыстоўваць тэхналогіі для паглыблення сваіх ведаў і адточвання навыкаў.
«Я думаю, гэта ўвогуле не будзе мець значэння. Усё тое, што было важным раней, застанецца важным і ў будучыні», — адзначыў Хуанг.
У якасці прыкладу сфер, якія захаваюць сваю каштоўнасць нават пры магутным развіцці ШІ, Хуанг назваў журналістыку, сторытэлінг, мастацтва і дызайн. Ён адзначыў, што лепшыя інтэрв’юеры цэняцца не проста за добрую падрыхтоўку, а за ўменне прысутнічаць у моманце, уважліва слухаць суразмоўцу і гібка рэагаваць на хаду.
«Уменне расказаць гісторыю так, каб зачапіць аўдыторыю, будзе гэтаксама важна ў будучыні, як і сёння», — лічыць прадпрымальнік.
Кіраўнік Nvidia таксама згадаў японскую філасофію вабі-сабі — канцэпцыю прыгажосці ў недасканаласці. На ягоную думку, у свеце, перанасычаным ідэальнымі ШІ-прадуктамі, унікальныя чалавечыя якасці і нават нашыя недахопы могуць стаць яшчэ больш каштоўнымі. «Якую б сферу вы ні выбралі, адзінае, што вам сапраўды трэба рабіць, — гэта задумвацца, як ШІ можа дапамагчы вам пракачаць вашу вучобу, рамяство і мэту», — параіў Хуан.
Ён не згодны з апасеннямі, што паўсюднае выкарыстанне нейрасетак зробіць людзей больш тупымі або лянівымі. Праводзячы паралелі са з’яўленнем кампутараў, інтэрнэту і смартфонаў, ён падкрэсліў, што мінулыя тэхналагічныя хвалі толькі падштурхоўвалі чалавечыя амбіцыі, а не прытупялі іх.
Кіраўнік Nvidia лічыць, што ШІ сапраўды аўтаматызуе руціну ў многіх прафесіях, але гэта толькі падштурхне людзей да больш складанай працы, якая патрабуе крытычнага мыслення і творчасці: «Праца — гэта проста набор розных задач. Многія з іх будуць аўтаматызаваныя. І мне здаецца, што дзякуючы гэтай аўтаматызацыі мы нарэшце зможам сканцэнтравацца на самых складаных элементах нашай працы».
Релоцировались? Теперь вы можете комментировать без верификации аккаунта.