Акцыі амерыканскага стартапа Swarmer за два дні пасля выхаду на біржу ўзляцелі на 1000% — гэта адзін з самых моцных дэбютаў на рынку ЗША за апошні год, піша Bloomberg. Паперы кампаніі ў сераду закрыліся на ўзроўні $55 (+77% за дзень) пасля скачка на 520% днём раней.
Акцыі амерыканскага стартапа Swarmer за два дні пасля выхаду на біржу ўзляцелі на 1000% — гэта адзін з самых моцных дэбютаў на рынку ЗША за апошні год, піша Bloomberg. Паперы кампаніі ў сераду закрыліся на ўзроўні $55 (+77% за дзень) пасля скачка на 520% днём раней.
Swarmer распрацоўвае не самі дроны, а ШІ-софт для кіравання іх «роямі» — сістэмай, якая каардынуе дзясяткі і сотні апаратаў як адзінае цэлае. Паводле дадзеных кампаніі, яе тэхналогія ўжо прымянялася ва Украіне больш чым у 100 тысячах баявых місій з красавіка 2024 года.
Інвестары актыўна заходзяць у такія гісторыі на фоне адразу двух трэндаў — буму ШІ і росту цікавасці да абаронных тэхналогій. «Вы трапляеце якраз у самыя гарачыя тэмы рынку: штучны інтэлект і дроны», — тлумачыць стратэг Interactive Brokers Стыў Соснік.
Пры гэтым фундаментальныя паказчыкі кампаніі пакуль вельмі маленькія: за мінулы год яе выручка склала ўсяго каля $310 тысяч, знізіўшыся на 6%. Нягледзячы на гэта, капіталізацыя пасля IPO наблізілася да $680 млн, а сама дынаміка акцый нагадвае паводзіны «мемных» папер. У кампаніі працуе менш за 40 чалавек.
Аналітыкі Miller Tabak папярэджваюць, што моцны дэбют — гэта адно, але такі ўзлёт выглядае «экстрэмальна». Яны адзначаюць, што інвестары могуць недаацэньваць рызыкі на фоне нестабільнай геапалітыкі.
Рэлацыраваліся? Цяпер вы можаце каментаваць без верыфікацыі акаўнта.