Найбуйнейшы еўрапейскі стартап плануе размясціць 40% глабальнага штату ў Індыі да канца года

Стартап ацэньваецца прыкладна ў $75 млрд і з’яўляецца найбуйнейшым у Еўропе па гэтым паказніку. Ён ужо паабяцаў інвеставаць £500 млн у індыйскі напрамак за 5 гадоў. Да канца 2026 года ён наймае тут яшчэ 1600 супрацоўнікаў, давёўшы штат у краіне да 5500 чалавек пры глабальнай колькасці каля 12 тысяч. Ролі ахопяць распрацоўку прадуктаў, падтрымку і фінансавыя аперацыі — ад працэсінгу плацяжоў да антыфрода.

GCC у Індыі даўно перасталі быць проста аўтсорсінгам і сёння закрываюць не толькі бэк-офіс, але і R&D, фінансы і ключавыя аперацыйныя функцыі. У Revolut называюць Індыю адным з самых глыбокіх і дынамічных рынкаў талентаў, а мясцовы тэхнахаб — цэнтральным вузлом глабальнага маштабавання.

Пашырэнне GCC фармальна аддзелена ад лакальнага бізнесу. Па словах індыйскай гендырэктаркі Паромы Чатэрджы, ужо зараз каля траціны працэсаў кампаніі выконваецца з Індыі, уключаючы маніторынг транзакцый і AI-алерты. Рашэнні, распрацаваныя на мясцовым стэку (напрыклад відэа-KYC), затым экспартуюцца на іншыя рынкі для паляпшэння анбордынга.

У Індыі Revolut ужо атрымаў дазвол на выпуск перадаплочаных плацежных інструментаў і разлічвае запусціць прадукт у бліжэйшым квартале.