«Хросны бацька ШІ» папярэдзіў пра новую хвалю звальненняў у 2026
«Хросны бацька ШІ» Джэфры Хінтан у свежым інтэрв’ю CNN заявіў, што ШІ зможа «замяніць вельмі шмат працоўных месцаў» у надыходзячым годзе.
«Хросны бацька ШІ» Джэфры Хінтан у свежым інтэрв’ю CNN заявіў, што ШІ зможа «замяніць вельмі шмат працоўных месцаў» у надыходзячым годзе.
«ШІ будзе станавіцца ўсё лепшым. Ён ужо надзвычай добры», — адзначыў навуковец. Ён дадаў, што ШІ «ужо выцясняе супрацоўнікаў кол-цэнтраў, але зможа замяніць многія іншыя працоўныя месцы», у прыватнасці офісныя.
Па яго словах, кожныя месяцаў сем хуткасць, з якой ШІ выконвае задачы, павялічваецца прыкладна ўдвая. І што тэхналогія дазваляе генераваць не толькі просты код, а цэлыя праекты, якія маглі б заняць гадзіну.
«Праз некалькі гадоў ШІ зможа рабіць софтверныя праекты даўжынёй у месяцы, і людзей стане патрэбна вельмі нямнога», — лічыць Хінтан.
Даследчык параўнаў ШІ з прамысловай рэвалюцыяй, якая знізіла патрэбу ў фізічнай працы ў многіх прафесіях. ШІ пагражае зрабіць тое ж самае, але з інтэлектуальнай працай. Хінтан жа «больш турбуецца» аб тым, што ШІ развіваецца значна хутчэй, чым ён чакаў — асабліва ў ўменні разважаць і хлусіць.
«Калі ён вырашыць, што мы спрабуем ад яго пазбавіцца, ён будзе будаваць схемы для падману, каб пазбегнуць гэтага», — кажа Хінтан.
У гэтым месяцы Ельская школа менеджменту праводзіла мерапрыемства для гендырэктараў у цэнтры Манхэтэна. 66% з іх заявілі, што ў 2026 годзе не будуць мяняць або скароцяць колькасць супрацоўнікаў. Толькі траціна рэспандэнтаў плануе павялічваць штат.
«Хросны бацька ШІ» назваў важны пабочны эфект ад замены людзей на ШІ, пра які не думаюць кампаніі
«Хросны бацька ШІ» назваў важны пабочны эфект ад замены людзей на ШІ, пра які не думаюць кампаніі
Релоцировались? Теперь вы можете комментировать без верификации аккаунта.